2 Timothy 3:3 - Patamuna New Testament Revised

³ iichi'nùnmatok pùla, tùusentuppasan pe pùla, eimipponnan àli pe tùuselupa kon ke, tesak kon pen molopai àsà ton; wakù wechi tok yewanma pe màlà;

2 Timothy 3:3 ပူးပေါင်းရင်းမြစ်များ

Matthew 10:21

“Takon tùlù màlà ilui uya iwàtoppe, molopai ikàipùnù uya tùmule tùlù, mule yamùk uya tùsan kon molopai tùkàipùnù kon yentaika màlà molopai tok wàtoppe tok tùlù tok uya.

Matthew 4:1

Màlàyau Wakù Akkwalù uya Jesus yalàppù wontaik yak ittutoppe Makui uya.

Luke 10:16

Ta'lon kon pàk, “Ànù'là eyetanài'nokon uya uyeta màlà. Ànù'là ànulunpanài'nokon uya unulunpa màlà. Ànù'là unulunpanài uya uyeuno'nàippù nulunpa màlà,” teppù ya.

Luke 16:14

Pharisee yamùk uya sàlà yamùk yetappù màlà, molopai tok wàkklàppù Jesus pàk italumattà pe, masapùla tùwakùli kon pe pùlayatta ku'nài nan pe tùwechi kon pàk.

John 6:70

Jesus uya tok maimu yeikuppù, “12 pe na' unanùmùssan pen na' amyamlo? Tùse tewin nà àtonpa kon Makui pe man,” tei'ma.

Romans 1:29

Yà'là yekkwa ton nà àli pe we'nàtok kon yeselu ke tok wanùssak màlà, i'napailà imakuyippù pe we'nàtok, tùuseka'nonkaik we'nàtok ke, molopai kùlùmà ke, e'wàpai we'nàtok ke, wepanta'mantok ke, àsà pe we'nàtok ke molopai ennakantok etapankà tawonnan. Tùulon pantomù pàk tùuselupasan mùkyamlo.

Romans 1:31

Pakko ton, ikupù tùuya'nokon teppù tùuya'nokon lùppù ku'nàinan pen, tùusentupasan pen molopai àsàpe tùuselupasan.

1 Corinthians 7:5

Ke'nulunpatàu uchi, tùse “Masa ka' tàwà we'nà lù malalà wàpùlemantoppe,” te neken nà. Molopai lànen uchi ànkupù kon kupù kon pa Settan uya ittuntok yak ewettùlù kon tukaik, ipàlikatok auya'nokon pàk.

1 Corinthians 7:9

Tùse tùutamùipatok pàlikanài pe pùla tùwechi kon yau, tok wemali'ma màlà, wakù peiwa wemali'man wechi màlà ànkuppai we'nàtok uya eka'nonkan yentai lùiwa.

1 Thessalonians 4:8

Màlàpàk uchi ànù'là sàlà enupantok nulunpanài uya, kappon pen nulunpa màlà, tùse Katù nulunpa ya, mùkkàlà elepanài'nokon Wakù Akkwalù ke.

1 Timothy 3:11

Tok noppù wechi nàlà màlà wakù pe, àli pe tùuselupasen tùtonpa pàk pe pùla; wakù pe tùttuik tùwemassen pe, ailon pe tamù'nawolon yau tùwessen pe.

Titus 1:8

Tùutauchinpaik kappon yamùk yanùnnài pe tùwùk tak molopai màlà wakù pe nai'nùk pùnùnmanài pe. Tesak yepulu pe tùwemassen pe yà'làlà àli ànkuppai tùwettok winàpai, ikasa, wakù pe Katù yenu yau, molopai tùttuik tùwemassen pe.

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

James 2:6

Tùse entuppa'nokon nulunpannan amyamlo! Ànùk ken atalumattànnan molopai ayanàinan ittunài yemloto pona? Temamin kenan kon uchi!

2 Peter 2:14

Tok yenu uya ulichan yene àli ànkuppai tùwesse pùla pen màlà. Àli ànkuppai tok wettok màlà tùweleutasen pen. Attu'mùnon kappon yamùk yamùipannan mùkyamlo àli kuttok yak. Tewan kon yenupasak tok uya màlà tùuseka'nonkasen pe yà'làlà iche tùwettok kon pe. Katù uya pa'nù'nàtok yo'no tok wechi màlà!

2 Peter 2:19

Pùsamlo enupannan uya, “Iche ewettok kon ikuttàk kon, tàwà ayachinài'nokon pùla nechii!” te tok pàk, tàliyi kon toi'manài'nokon yeselu yapyoto pe echii'ma'nokon. Masapùla kappon mùkkàlà yà'làlà tentaikanàippù yapyoto.

2 Peter 3:3

Tamù'nawolon wapiya, mùttutàik iwenukapù pe tùulon kon kappon yamùk usenpoika iwemattok kon àli ànkupai tùwettok itepulu ton. Tok uya àmottùnpa kon màlà

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.

Jude 1:18

Tok uya àpàkù'nokon, “Pata weyu wenukapù pe iwechi yau, kappon yamùk usenpoika màlà àmottùnpa kon woton kon, kappon yamùk Katù yeselu walai pen iteselu ton,” teppù.

Revelation 13:15

Yakon àsà ene lepasak wechippù apàikkek ke we'netukkantok tùtoppe ya wapiyalok àsà ene kasa ikonekasak yak iichelupatoppe molopai tamù'nawolon kon tapulànnan pen wàtoppe ya.

Revelation 13:17

Ànù'là uya yà'làlà ye'ma wapùla ichilanma yentai iwechippù, sàlà pattàntok, màlà àsà ene yesek wapùla inonpayi pùla echii'ma.

Revelation 16:6

Katù ponalok kon kappon yamùk molopai imaimu yenpoikannan mùnù ikkwamùppù tok uya, màlàpàk tok lepasak auya man mùn ke tok uya inchitoppe. Tepeppù kon yepoyan tok,” teppù ya.

Revelation 17:6

Molopai yeneppù uya nossan wetùnsak Katù ponalok kon kappon yamùk mùnù ke. Molopai mùkyamlo iwàsak kon nùssan mùnù ke, masapùla ailon pe tok wessak Jesus pàk wenai. Yensak uya yau usenumenkasak kulu wechippù.