2 Timothy 3:2 - Patamuna New Testament Revised

² Kappon yamùk wechi màlà tùmàlà neken pùnùnmannan pe, pùlayatta pùnùmannan pe, tùutapulàsan pe, tùtonpa yentai wakù pe tùwekkussan pe, mottùnpannan pe tok wechi màlà, tùsan kon maimu yawàlà pùla tùwessan pe, tenki tawonnan pe pùla, esuken pùla;

2 Timothy 3:2 ပူးပေါင်းရင်းမြစ်များ

Matthew 15:6

tùkàipùnù nama ya pen nen uchi màlà.” Sàlà kasaichi Katù Maimu ku'nàinan amyamlo yà'là pen kasa, ewinàpaino Enupantok yawàlà ewechi kon pa,” tukaik.

Luke 12:15

Molopai iichelupappù, “Yetatàk kon, molopai useka'nonkantok yà'là yamùk là iche winàpài ettàk kon. Masapùla kappon wemattok màlà tukkan itesak pe iwettok pùkkù pen,” teppù ya tamù'nawolon kon pàk.

Luke 16:14

Pharisee yamùk uya sàlà yamùk yetappù màlà, molopai tok wàkklàppù Jesus pàk italumattà pe, masapùla tùwakùli kon pe pùlayatta ku'nài nan pe tùwechi kon pàk.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

Yeunossak kon Wotokoyi 5:36

Wapiya Theudas usenpoikappù, eke pe iwekkupùppù. Màlàyau 400 yailà'ne kappon yamùk wessepoloppù ipyau. Tùse iwànàppù, màlàyau tamù'nawàlà ya'lon kon wetta'nùpùppù molopai iwotokoyi weleutappù.

Romans 11:18

Màlàpàk uchi mùkyamlo iwepantalùkkasak kon yei panta kasa nai'nannùk atalumayi kon pe kùkkuttàu. Ittutàk kon ipanta lùssan neken nen amyamlo, imik yachinnan pen amyamlo, ayachinài'nokon màlà imik.

2 Corinthians 5:15

Tamù'nawolon kon ponaloppe iwelikùppù màlà mùkyamlo tùwemassan wemapù tùponalà'nokon pe tukaik, tùse mùkkàlà iwelichak lùppù molopai iwuluukasak lùppù tùpàkànsau neken ponaloppe.

Philippians 2:21

Tamù'nawolon kon nen tà tùnkupù kon pàk neken tùusenumenkasan, Jesus Christ pàkànsau pùla.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

2 Thessalonians 2:4

Yà'làlà, kappon yamùk wàpùlematok ipàk, iche pùla iwechi màlà. Molopai wepeiman nà inama pe wechi itewanma pe, tamù'nawolon màlà yamùk yentai iwekkupù màlà, molopai ità Katù yùwùk tak chichiu pe esse, eke pe ekkusse, molopai Katù pe tukaik iwekkupù màlà. ‘Iulà nen mùkkàlà Katù,’ te ya màlà.

1 Timothy 1:20

Tok kùlottau Hymenaeus man molopai Alexander, mùkyamlo untùlùssan Settan meluntàlù yemyak tok usenupatoppe, àli pe Katù pàk tùuselupa kon yeleutanùttoppe tok uya.

1 Timothy 1:9

Sàlà ittutàk kon: Law wekkussak màlà wakù ton nà kappon yamùk ponaloppe pùla. Tùse Law yawolon kon pen ponaloppe, àli ku'nài nan, Katù yapulànnan pen, molopai àsà pe tùwessan ponaloppe, Katù pùnon, kappon yamùk tùkàipùnù kon wapùla tùsan kon wànnan ponaloppe, molopai kappon yamùk tùkkannan ponaloppe.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 6:10

Masapùla pùlayatta pàk ewan tùtok màlà tamù'nawàlà yà'là yekkwa àli uyàttok iwinà. Tùulon kon wechippù man enepopai kulu màlàyau tok utàppù miya ailon tetok winàpai molopai tok usewankono'mappù, màlà uya tok yewan ikkwàssaks.

1 Timothy 6:4

Mùkàlà wechi màlà tùtonpa yentai tùwekkussen pe molopai yà'làlà ittu ya pen màlà, àsàulàmapai molopai e'naikapai iwechi mayin yamùk pàk, molopai sàlà uya màlà kùlùmàlunnàtok nepù, tonpa yewan ma'làtok, ànù'là mottùnpatok, àli pe usenumenkantok.

2 Timothy 3:4

eimipponnan pe tok wechi màlà, tùusenumenkaik pùla yà'làlà ku'nài nan pe, tùtonpa kon yentai tùwekkussan kon pe; sàlà motau utauchinpantok kupù màlà tùwakùli kon pe Katù kupù tùuya'nokon tù'nùn kon pe yentai;

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

James 4:16

Tùse sàlà pe eke pe tukaik tùwekussan amyamlo; molopai tùutapulàsan tamù'nawolon màlà yekkwa màlà àli iwalai pen.

James 4:6

Tùse wakù pe we'nàtok Katù winàpaino màlà meluntà kulu. Masapùla Katù Maimu uya, “Katù mùkkàlà tùtonpa yentai pe tukaik tùwekkussen iteyaton, tùse wakù pe we'nàtok tùwinàpaino tùnài àssà'mùnon àsà ton pen piyak,” te pàk.

1 Peter 5:5

Màlà kasa làma, amyamlo masalok kon umoine ton esenupatàk kon kàyik yamùk lùiwa winàpai. Molopai tamù'nawolon kon àsà pe pùla ettàk kon, ànù'là kappon pùikattà kon pa; masapùla, “Katù mùkkàlà ànù'là kappon yentai pe tukaik tùwekkussen itewanma, tùse wakù pe we'nàtok tùwinàpaino tùnài àsà'mùnon piyak,” {Pro3.34}

2 Peter 2:10

mùkyamlo kulu akùlù iteselu wakù ke telupa kon yetannan pen molopai Katù yapàikketù nulunpannan. Tùusenalippaik pùla molopai meluntà pe àli pe tùuselupasan mùkyamlo kawon kon akkwalù yamùk winàkàik.

2 Peter 2:12

Tùse pùsamlo wechi màlà tùusenumenkasan pe pùla tùwelaikasan teselu kon yawà pe, elannek ton kamo yamùk iwentusak kon tachi tok kon pe molopai tùwà tok kon pe kasa; yà'làlà mottùnpannan mùkyamlo tùnùttu kon pen. Tok mattanùpù màlà elannek ton kamo yamùk kasa;

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.

Revelation 13:1

Màlàyau àsà ene usenpo palau kapai yeneppù uya. 10 pe iletù wechippù molopai 7 pe ippai, alok wechippù iletù yamùk pàk, ikaichalà. Àli esek Katù talumattàtok menukasak wechippù ikaichalà ippai yamùk pàk.

Revelation 16:11

Molopai Katù epùn pon pa'nùpùppù tok uya ti'nintok kon molopai sukkwek yamùk pàkànsau. Tùse àli tùnkupùppù kon winàpai tok welattàppù pen.

Revelation 16:21

Eke ton tàk tuna usa'mansak, 100 pounds pan iteme'netù, wepukappù kaupai kappon yamùk pona. Molopai kappon yamùk uya Katù pa'nùpùppù màlà, tuna usa'mansak ke talumattàntok wenai, masapùla àsà pe kulu talumattàntok wechippù màlà.

Revelation 16:9

Kappon yamùk pottàppù a'neppe iwa'mintasak uya, molopai Katù yesek pa'nùpùppù tok uya, mùkkàlà sàlà yamùk talumattàntok kon yapàikketù yesak. Tùse tok welattàppù pen tùmakuyi kon winàpai, molopai eke pe iwettok yapulàppù tok uya pen.