2 Timothy 3:16 - Patamuna New Testament Revised

¹⁶ Masapùla tamù'nawolon Katù Maimu màlà Katù nekamappù Takkwalù yai imenukatoppe molopai tapulàsen pe kappon yamùk yenupa toppe ailon pàk, iwalai pen yekamapotok, ikasa pùla tùwessen konekatok ikasa, molopai ikasa wema'nàtok yawà ke enupantok,

2 Timothy 3:16 ပူးပေါင်းရင်းမြစ်များ

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 21:42

Jesus uya tok pàk, “Katù Maimu yau ken na' sàlà yensak auya'nokon pùla nai? ‘Tàk tapùi yamùnnan nùnulunpappù tapulàsen yek pen wenappù man iche kulu we'nàtok pe. Sàlà wekkupùppù màlà Itepulu winà. Wakù pe kulu man!’ tawon,” teppù.

Matthew 22:43

“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya, ‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}

Matthew 26:54

Tùse màlà kasa iwessak yau, yà'là kasa ken uchi iwekkupù ailon pe Katù Maimu uya iwekkupù màlà teppù yawàlà?” teppù.

Matthew 26:56

Tùse tamù'nawàlà sàlà yamùk wekkussak sàlà, Katù Maimu yawon Imaimu yenpoikannan uya màlà kasa iwekkupù màlà teppù kasa,” teppù ya. Màlàyau tamù'nawàlà Jesus ya'lon kon uya inàmàppù, aitunpe tok wepeppù.

Mark 12:24

Jesus uya tok pàk, “Ikasa pùla sa' messatàik! Masapùla Katù Maimu ittu auya'nokon pùla iwechi pàk, molopai imeluntàlù ittu auya'nokon pùla nàlà iwechi pàk,” teppù.

Mark 12:36

“David uya Wakù Akkwalù yapàikketù yau, ‘Itepulu uya Uyepulu pàk, Eleutakà upyau, kamik winà pùla, eyeyaton yamùk nonka uya atta yokkoik ponalà,’ teppù.

John 10:35

“Ittu'nokon man Katù Maimu yau iwe'menukasak wechi ailon pe tàwàlàlà. Molopai tok yesatùppù ya, ‘katù yamùk,’ tukaik, mùkyamlo Katù Maimu wettùlùppù itemyak lùssan.

John 3:20

Mùkyamlo àli ku'nài nan uya akkwa kupù màlà tewanma kon pe, akkwa yak iyàpù pen, masapùla àli teselu usenpoika tukaik.

Yeunossak kon Wotokoyi 1:16

“Utonpa yamùk, Katù Maimu wekkussak man ailon pe, Wakù Akkwalù uselupappù David yai Judas pàk lùppù kasa. Mùkkàlà wechippù Jesus yachin nan kàyik yamùk yanài pe,”

Yeunossak kon Wotokoyi 18:25

Yenupasak pe iwechippù màlà Itepulu Jesus yeselu pàk, molopai eke pe kulu ànkuppai tùwettok ke ichelupappù molopai ailon Jesus yekale pàk ikasa enupanài pe iwechippù. Walà tùse John uya enpataukantok yekale neken ittuppù ya màlà.

Yeunossak kon Wotokoyi 20:20

Mùttuyatàik yà'làlà àpùikattànài'nokon pe tùwessen pùnùnmappù uya pùla iwechi ewinàpai'nokon, itekale yekama uya yau, molopai eyenupa kon uya yau wepili'nàtok itak tau, molopai apatassek kon yau'ne.

Yeunossak kon Wotokoyi 20:27

Masapùla tamù'nawolon Katù yeselu yekamappù uya àpàkù'nokon.

Yeunossak kon Wotokoyi 28:25

Màlàpàk tok utàppù tùpatalà'ne tùusenumenkaik Paul uya sàlà te tùpo, “Ikasa kulu Wakù Akkwalù uselupappù tùmaimu yenpoikanài Isaiah yai kùtamo kon yelupa tùuya yau!

Romans 15:4

Masapùla tamù'nawolon pena imenukasak lùssan màlà kùyenupatoppe ya imenukasak lùppù, pàlikantok molopai Katù Maimu uya ewan meluntàpatok yai enpen we'nàtok yepotoppe.

Romans 2:20

Pakko ton panamanài pe ewechi, molopai mule yamùk yenupanài pe. Masapùla Law yawon ittutok molopai ailon yesappe ewechi pàk.

Romans 3:2

Tukke yà'là là yawàlà! Wapiya kulu, Katù maimu tùlùppù màlà Jew yamùk yemyak.

Romans 4:23

Màlà mayin “Katù uya yanùmùppù màlà ikasa tùwessen pe,” tawon menukappù iponaloppe neken pen màlà.

1 Corinthians 12:7

Iponalà'ne lepansak màlà Wakù Akkwalù wechi molo yekamanài ke, tùulon kon pùikattàtok iwinà pe.

Galatians 3:8

Katù Maimu uya yekamappù pena iwekkupù wapiya Katù uya Jew yamùk pen yanùntok woton ikasa tùpokon pe, ailon tetok tok uya winà. Molopai Itekale yekamappù ya màlà Abraham pàk pena, “Tamù'nawolon kon kappon yamùk pùlema màlà ayai,” tukaik. {Gen 12.3; Gen18.18; Gen 22.18}

2 Timothy 2:25

àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Hebrews 11:1

Ailon tetok màlà enpen we'nàtok kùnepolo kon pàk, ittutok kùuya'nokon ke lepanai yene pùla lànen tùse.

Hebrews 3:7

Masapùla Wakù Akkwalù wanùkayan, “Sàlà pe, Katù Maimu yeta auya'nokon yau,

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.