2 Timothy 3:13 - Patamuna New Testament Revised

¹³ Àli ton kappon yamùk molopai tùusennakasan wena àli pe tùwettok kon yapai àli peiwa tùse, tùulon kon yennakai'ma tùulon kon uya tennkatok ke.

2 Timothy 3:13 ပူးပေါင်းရင်းမြစ်များ

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.

1 Timothy 4:1

Wakù Akkwalù uya yekamasak man ailon pe, tùulon kon kappon yamùk uya ailon tetok nonka pata wenukapù peiwa; ailon ton pen, kasei ton akkwalù maimu yawàlà tok wechi màlà molopai àliton akkwalù yamùk uya enupantok maimu yawàlà tok wechi màlà.

2 Timothy 3:8

Walawotichi yamùk Jannes molopai Jambres tawonnan uya Moses wakkàtùppù kasa, pùsamlo uya ailon wakkàtù màlà, àli pe tùusenumenka kon winà molopai ailon te tùuya'nokon ailon pen pàk winà.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

2 Peter 3:3

Tamù'nawolon wapiya, mùttutàik iwenukapù pe tùulon kon kappon yamùk usenpoika iwemattok kon àli ànkupai tùwettok itepulu ton. Tok uya àmottùnpa kon màlà

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 18:23

Yà'là yattai tu'ma là lanppu yakkwayi usene ayau pen màlà, tùwemali'masan ema'non molopai umoine tawonnan maimu useta ayau pen. Mamin chilanman nan molopai ye'mannan, àponalok kon wechippù kulu màlà eke pe tamù'nawàlà sàlà non po, molopai epiyassanù ke tamù'nawàlà kappon yamùk non pon kon yennakappù auya,” teppù ya nàlà.