2 Timothy 3:12 - Patamuna New Testament Revised

¹² Tamù'nawolon kon wakù pe emappaino Christ Jesus ponaloppe wettalumattà màlà.

2 Timothy 3:12 ပူးပေါင်းရင်းမြစ်များ

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Matthew 23:34

Màlàpàk uchi Katù Maimu yenpoikannan teunossaik, molopai pukkek ton, molopai enupannan. Tok tonpa yamùk wànà auya'nokon màlà, tùulon kon pukapàtù auya'nokon pulusuk pona. tùulon kon ippoppàtù auya'nokon màlà ewepilittok kon itak tau, molopai tok yenpe auya'nokon màlà pata yapai tùulon pata yamùk yawàlà'ne.

Mark 10:30

uya màlà yentai tukke sàlà yattai tùwùk molopai takon non, tùlunan, tùwàlichi ton, tùpachi ton, tùsan, tùkàipùnù, tùmunkà yamùk molopai tù'mà yamùk yepolo, tùwettalumattàtok pokonpe nàlà kan uchi. Molopai nùyàssai'nùk pata weyu yau, tàwàlàlà wema'nàtok yepolo ya màlà.

John 16:2

Tok uya eyenpakka kon màlà Jew yamùk wepilittok itak yamùk tapai. Wei nùyàssan ànù'là àwànài'nokon uya Katù ponaloppe tùwe'wotokoma kon pe tok uya yekama màlà.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

John 17:14

Amaimu tùkassak uya man tok piyak, molopai wolù yawon kon kappon yamùk uya tewanma kon pe tok kussak man, masapùla wolù ponaloppe pùla tok wechi pàk, wolù ponaloppe pùla wessai'nùk kasa.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

1 Corinthians 15:19

Sàlà neken wema'nàtok ponaloppe enpen we'nà Christ pàk yau, entuppak kulu tùwessan pe we'nà'nokon màlà tamù'nawolon kon kappon yamùk yentai.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 4:9

Italumattàsappe, tùse inonkasappe pùla ina man molopai àsà pe lànen iwàpàssappe, tùse ina mattanùssak pùla iwechi.

1 Timothy 2:2

Kin yamùk, molopai tamù'nawolon kon potolù yamùk ponaloppe, wema'nàtoppe eppana àsà pùla molopai echitonpa pe, wakù pe Katù kùpùikattànài tauchinpaik molopai iwalai iteselu pe tùwelaikaik we'nàtoppe.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 Timothy 6:3

Ànù'là uya tùpatalon, ailon pen enupantok yekama yau molopai ailon Kùyepulu Jesus Christ Maimu pàk molopai enupantok Katù winàpaino pàk ailon tawon pen.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Titus 2:12

Màlà wakù pe we'nàtok màlà enupanài àli pe Katù winàkàik wema'nàtok nonkatoppe, molopai wolù yeselu ànkuppai we'nàtok nonkatoppe, molopai tùttuik tùwemassen pe, ikasa, wakù pe wema'nàtok Katù tùnamaik molopai tapulàik iwemattok pe sàlà non po,

1 Peter 3:14

Tùse ewettalumattà kon iwalai kupù lànen auya'nokon yau, atauchinpatàk kon! Kappon yamùk pàk kesenalippatàu, molopai kataimelunpatàu.

2 Peter 3:11

Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.