2 Timothy 3:11 - Patamuna New Testament Revised

¹¹ Umottùnpatok, wettalumattàtok, yà'là yekkwa ton nà wekkupùppù uwinàkàik Antioch po, Iconium po, molopai Lystra po, àsà ton kulu wettalumattàntok pàlikappù uya! Tùse Itepulu uya upùikattàppù tamù'nawàlà màlà yamùk yapai.

2 Timothy 3:11 ပူးပေါင်းရင်းမြစ်များ

Yeunossak kon Wotokoyi 13:14

Tok utàppù Perga poi molopai tok uyàpùppù Antioch Pisidia pon yak, molopai Wàlàkka'nàtok Weyu yattai tok utàppù Jew yamùk wepilittok itak tak molopai tok weleutappù.

Yeunossak kon Wotokoyi 13:45

Tukkan kon kappon yamùk yensak tùuya'nokon yau, Jew yamùk yepulu yamùk kùlùmàluppù. Tok usàulàmappù Paul nekama winàkàik molopai tok uya imottùnpappù.

Yeunossak kon Wotokoyi 14:8

Molo iwechippù màlà kàyik chichiu pe Lystra po tùusasen pen tùtta yapulànài pen tùwentuppù motapai.

Yeunossak kon Wotokoyi 20:19

Tamù'nawàlà àssà'mùla we'nàtok yau molopai eke pe itenu palu uwotokoyi kupùppù uya Itepulu Jesus yapyoto pe, sa'man ton uyàssak Jew yamùk wekkussak upàk winà.

Yeunossak kon Wotokoyi 23:10

Usàulàmantok wenappù màlà àsà pe. Molopai Eke Achin nan yepulu usenalipappù màlà Paul kalapàtù tok uya yeselùkek iwechi pàk. Màlàpàk soicha yamùk kupùppù ya tok utàtoppe tok kùlottak Paul yense molopai yatoppe tùuya'nokon soicha yamùk yùwuk tak.

Yeunossak kon Wotokoyi 26:17

Àmokka uya màlà kappon yamùk Israel pon kon molopai Jew yamùk pen winàpai. Mùkyamlo kùlottak eyeunoko uya màlà.

Yeunossak kon Wotokoyi 26:22

Tùse sàlà wei tepose Katù uya upùikattàsak man, màlàpàk wà'mùssakkasak man talà, unekama yekamase tamù'nawolon kon pàk, echikili ton pàk molopai eke ton pàk ekkaichalà. Tekamayai'nùk sàlà, màlà lùppù, màlà yentak pùla Katù Maimu yenpoikannan molopai Moses uya iwekkupù màlà teppù lùppù:

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

Romans 15:31

Màpùlematàik uyesappe Katù wettoppe ailon tawonnan pen Judea pon kon winàpai, molopai we'wotokomatok Jerusalem po wettoppe auchinpanà pe molonkonnà Katù ponalok kon kappon yamùk pona.

2 Corinthians 1:5

Tukkan Christ talumattàtok pùkkù pe ina wechi kasa làma, Christ yai nàlà ina yewan ipik wechi màlà tukke.

2 Corinthians 1:7

Enpen ina wettok àpàkù'nokon meluntà pe man. Masapùla ina nùttuyan ina wettalumattàtok pùkkù pe ewechi kon kasa làma, ina yewan ipittàtok pùkkù pe nàlà ewechi kon màlà.

2 Corinthians 12:10

Màlà kasa iwechi pàk Christ pàkànsau utauchinpasak man attu'mùla we'nàtok yau pàk, àli pe uselupantok yau, sa'man ton yau, talumattàntok kon yau molopai àsà ton yau. Masapùla attu'mùla wechi yau, meluntà pe nen uchi wechi màlà.

2 Timothy 4:7

Unùttu kussak uya man aitun pe utàntok yau, utàsak man tenuka'nùsse, ailon tetok uya kussak uya man.

2 Peter 2:9

Màlàpàk Itepulu Jesus mùkkàlà i'nai kasa Katù pùnùnmannan pùikattàtok tùuya tok wettalumattàtok winàpai ittunài, molopai i'nai kasa àli ton kuttok tùuya wettalumattàntok yo'no ittunài Ittuntok Weyu ponalà,