2 Timothy 2:4 - Patamuna New Testament Revised

⁴ Soicha yamùk mùkyamlo yà'là yekkwa là tùwotokoyi kon pen ku'nài pen tùse tepulu tanùnnàippù, anauchinpapaino kon kulu neken mùkyamlo.

2 Timothy 2:4 ပူးပေါင်းရင်းမြစ်များ

Luke 8:14

Tùpànsen iwepukasak lùppù àmà’nàttak uya yekama nai'nùk, mùkyamlo Katù Maimu yetan nan. Tùse te'ma kon tawàlà tok utà yau wema'nàtok pàk utaimelunpantok, temamin ke we'nàtok, molopai sàlà motawon pàk utauchinpantok màlà yeulankanài. Tok wepeta pen.

2 Corinthians 5:9

Màlàpàk uchi kùnkupù kon kuppai'nokon kulu man yauchinpa pe, sàlà motawon kùpata kon yau wapùla epùn po là Itepulu pokonpe we'nà yau.

Galatians 5:1

Imokkasappe we'nàtoppe sàlà Christ uya kùmokkasakù'nokon. Meluntà pe à'mùssakkatàk kon molopai apyoto pe tu'ma we'nàtok yak kettùtàu.

1 Thessalonians 2:4

Tùse làkku ina uselupa nai'nùk Katù wettok iche kasa, masapùla ina yanùnsak ya nai'nùk molopai Wakù Itekale tùsak ya ina yemyak ina nekama pe. Kappon yamùk yauchinpaiche là ina wechi pen sàlà. Tùse Katù làkku anauchinpapai ina wechi, mùkkàlà ina yeselu ina yewan yau nai'nùk ittunài.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.