2 Timothy 2:26 - Patamuna New Testament Revised

²⁶ Tok uyàpù màlà ikasa tùusenumenkatok kon yak molopai tok wepùikattà màlà Makui uya pùlannàtok molopai iche iwettok kuttok winàpai.

2 Timothy 2:26 ပူးပေါင်းရင်းမြစ်များ

Luke 11:21

“Meluntà kàyik, iwekonekasak tamù'nawàlà tùple ke, mùkkàlà tùwùk yelasu, itemamin yamùk wechi màlà molo wakù pe.

Luke 15:17

Màlàyau wakù pe iichenumenkatok uya yepoloppù, ‘Tamù'nawolon kon nà ukàipùnù ponaloppe tùwe'wotokomasan wechi eke pe iteipa tok uya inapù yentai tùse talà wessaik wapàkkapù pàk te,’ teppù ya.

Luke 5:10

Mùkyamlo lùssan wechippù màlà Simon wechi yakon non pe, James molopai John tawonnan Zebedee munkà yamùk. Jesus uya Simon pàk, “Kettalipatàu! Sàlà motapai kappon yamùk yachi auya'nokon màlà,” teppù.

John 13:2

Jesus molopai inenupa ton wechippù màlà tùuta'lettà kon pàk ko'manpe. Makui uya Jesus yeimippotok ya tùkassak wechippù Judas Iscariot yewan yak. Pùsàlà mùkkàlà Simon mumu.

John 13:27

Pùlomù pusak yekkwassak Judas uya pe là Makui, wewomùppù yak. Jesus uya ipàk, “Màlà ikupù pàk ewekkussak nai'nùk, ikukkà asse'neiwa,” teppù.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

1 Corinthians 15:34

Ennappotàk kon wakù pe eusenumenkatok kon yak, molopai àli kuttok auya'nokon yeselu yeleutanùttàk kon. Sàlà te uya sàlà ewekuli'ma kon pa, masapùla molo man àkklottau'nokon tùulon kon Katù ittunnan pen.

2 Corinthians 2:11

Settan uya kùyentaika kon tukaik, masapùla ikupù pàk iwekkuttok ittu'nokon man.

Ephesians 5:14

Masapùla akkwa màlà tamù'nawolon yà'làlà weyuttànài yentoppe. Màlàpàk, “Apakakà tùwe'nùnsen, e'wuluukakà weli'nàtok yapai! Molopai Christ uya màlà eweyuttà ,” tesak màlà.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

1 Timothy 1:20

Tok kùlottau Hymenaeus man molopai Alexander, mùkyamlo untùlùssan Settan meluntàlù yemyak tok usenupatoppe, àli pe Katù pàk tùuselupa kon yeleutanùttoppe tok uya.

1 Timothy 3:7

Tùnamasen pe iwechi màlà sochi tawon kon pen winà, iwekkuli'ma tukaik molopai iwekkawai'ma Makui uya tùppùlantok yak tukaik.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.