2 Timothy 2:25 - Patamuna New Testament Revised

²⁵ àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

2 Timothy 2:25 ပူးပေါင်းရင်းမြစ်များ

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Mark 1:15

“Iwalai pata weyu wesseposak man, Katù wettok itepulu pe mei pùla man. Amakuyi kon winàpai elattàtàk kon molopai ailon katàk kon, Wakù Itekale pàk, ” teppù ya.

John 5:34

Kappon yamùk wechi uyekamannan pe iche kulu pùla wessaik, tùse sàlà yekama uya sàlà ewepùikattà kon pa.

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Yeunossak kon Wotokoyi 5:21

Yeunossak kon wechippù imaimu yawàlà, màlàyau ko'làma tok wewomùppù Katù yùwùk tak, tok wepyattàppù màlà kappon yamùk yenupa pàk. Eke kulu paatele molopai iwechi yakon non uya tamù'nawàlà Jew yamùk Yepulu ton kà'mappù tamùkke tùuselupa tok kon pe. Màlàyau tùmaimu kon yeunokoppù tok uya patikichi yennài nan piyak yeunossak kon nettoppe tok uya temloto kon pona.

Yeunossak kon Wotokoyi 5:31

Molopai Katù uya iwuluukappù tùlaitanù yak, Itepulu pe molopai Pùikattànài pe. Kappon yamùk Israel pon kon welattàtoppe tùmakuyi kon winàpai. Tùmakuyi kon pàk usentuppantok yepotoppe tok uya.

Yeunossak kon Wotokoyi 8:22

Elattàkà sàlà àli ikupù pàk ewekkussak nai'nùk winàpai molopai àpùlemakà Itepulu pàk, àpàk iichentuppa toppe, màlà kasa eusenumenkasak pàk.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

1 Timothy 2:4

tamù'nawolon kon wepùikattà ichelok mùkkàlà molopai ailon ittu tok uya iche tùwessen.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 3:7

tàwàlà tùusenupasan tùse ailon ittunnan pen.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Titus 3:2

Tok uselupa àli pe ànù' là pàk tukaik tok pàk yekamakà, tùse echitonpa pe molopai echi wechi yakon pe tok wettoppe, molopai tàwàlà tenpan, àsà pen teselu kon yenpoikatoppe tok uya tamù'nawolon kon pàk.

James 1:17

Tamù'nawolon wakù iwalai lepantok màlà tùuyàssen epùn poi; Katù winàpai, tamù'nawolon pata weyu yamùk kau nai'nùk màlà inkonekappù. Tùwemyakammasen pen, màlà tùse pùla tùwelattà yau ewalupà ne'nài pen.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.

1 John 5:16

Ànù'là uya tùtonpa wemakuima weli'nàtok yak anài pen pàk yene yau, tàwà nàpùlemai ipona molopai Katù uya màlà wema'nàtok ke ilepa. Mùkyamlo weli'nàtok yak anài pe pùla tùwemakuimasan pàk wate uya nai'nùk. Tùse molo man àli kuttok weli'nàtok yak anài, molopai, “Màpùlematàik màlà pàk,” te uya pùla man.