2 Timothy 2:23 - Patamuna New Testament Revised

²³ Tùse pakko pe molopai ittunài pe pùla usàulàmantok winàpai ekkukà, mùttuyaik iwenukapù we'naikantok yau.

2 Timothy 2:23 ပူးပေါင်းရင်းမြစ်များ

1 Timothy 1:4

Ailon pen panton yamùk molopai tukkan tùtamo kon yesek yamùk pàkànsau tùusàulàmatok kon nonkatoppe tok uya yekamakà, masapùla sàlà uya neken usàulàmantok nepù màlà. Katù wotokoyi ailon tetok yau tùkussen kupù yentai.

1 Timothy 4:7

Kappon yamùk mùkyamlo italumayiichan, ailon ton pen nà panton yekamannan, tùse màlà yamùk uya enupantok yawàlà kechii, Katù uya neken enupantok yawàlà ewechi pa esenupakà.

2 Timothy 2:14

Àtonpa yamùk kappon yamùk yenu yapyontàkà sàlà pàk, molopai tùumayintaik tok yekamappokà Katù yemloto po tok wepanta'ma mayin yamùk pàkànsau tukaik. Wakù ku'nài pen màlà, tùse kappon yamùk yetannan mattanù'nài.

2 Timothy 2:16

Àli pe molopai pakko pe uselupantok winàpai ekkukkà, kappon yamùk yenpenài neken màlà mei lùiwa Katù winàpai.

Titus 3:9

Tùse pakko pe wesseippà'nàtok usàulàman pe winàpai mechiik, kaleta, penalok kon yesek wenai we'naikantok winàpai, wepanta'mantok Law pàkàlà winàpai. Sàlà yamùk màlà yà'là pen tapulàsen pen italumayippù.

James 4:1

I'nai yailà pai ken tamù'nawolon wepanta'mantok molopai usàulàmantok àkklotau'nokon tùuyàssen? Àli ànkupai ewettok kon winàpai tùuyàsan, eyesak kon yau tùwepanta'ma pàk echipalà nai'nùk.