2 Timothy 2:21 - Patamuna New Testament Revised

²¹ Ànù'là wekkupù wakù pe tamù'nawolon màlà yamùk àli ton winàpai yau, iwettùsak màlà molopai tapulàsen pe iwechi Tepulu ponaloppe, iwekonekasak wakù wotoko yau tapulà toppe.

2 Timothy 2:21 ပူးပေါင်းရင်းမြစ်များ

Yeunossak kon Wotokoyi 9:15

Tùse Itepulu Jesus uya, “Itàkà, masapùla yanùnsak uya màlà uyapyoto pe iwettoppe uyesek yekama toppe ya Jew yamùk pen pàk molopai tok kinù yamùk pàk molopai Israel pon kon pàk.

1 Corinthians 5:7

Ipoippà apuluwetanù'nài imokkakà, emennappe nen uchi ewechi kon pa apuluwetanù'nài pùla, messatài'nùk kasa kulu. Masapùla Christ kùponalok kon Usentakantok kaliniluyi lùkkwà wàsak pàk.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

2 Corinthians 9:8

Molopai Katù wechi màlà iche ewettok kon yentai elepanài'nokon pe. Iche kulu ewettok kon yesappe ewechi kon pa molopai tamù'nawolon yà'là yekkwa là wakù wotoko kupù kon pa.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 2:16

Àli pe molopai pakko pe uselupantok winàpai ekkukkà, kappon yamùk yenpenài neken màlà mei lùiwa Katù winàpai.

2 Timothy 2:20

Eke tapùi tau molo pùsau yamùk tùwessen tùpatalo'nan: tùulon kon ikonekasak chilùpa molopai kolù yapai; tùulon kon ikonekasak yei molopai àinà yapai; tùulon kon wechi wakù ton pe yà'là yattai neken nà tapulàsen molopai tùulon kon echipalà tapulàsen pe.

2 Timothy 3:17

kappon, Katù yapyoto pe tùwessen wettoppe wakù pe iwekonekasak yeppe yà'là yekkwa là wakù wotoko kuttoppe ya.

2 Timothy 4:11

Luke neken upyau man. Mark yepokà molopai inekkà aya'là, masapùla upùikattà ya màlà sàlà wotoko yau.

Titus 3:1

Àtonpa yamùk yenu yapontàkà itepulu ton yemyak tok wettùtoppe apàikketton yemyak, tok maimu yawàlà tok wettoppe, yà'làlà tamù'nawolon wakù kupù pàk tùwekonekaik.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 John 3:3

Tamù'nawolon kon sàlà màmu'nàinan Christ yau tùwekkussan esuken, Christ wechi esuken kasa.