2 Timothy 2:2 - Patamuna New Testament Revised

² Enupan uya yawàlà uyetappù auya tukkan kon yemloto po. Sàlà lùssan uchi yekama auya iche wessaik ailon tawonnan pàk, mùkyamlo, tùulon kon yenupannan yek pàk.

2 Timothy 2:2 ပူးပေါင်းရင်းမြစ်များ

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 24:25

Yetatàk kon! Sàlà tekamapàsaik iweyu wapiya.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

1 Corinthians 4:2

Màlàpàk mùkyamlo iwotokoyittàsak kon wechi màlà ailon pe tok wechi tùttusan pe.

2 Corinthians 2:14

Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.

2 Corinthians 3:5

Masapùla yà'làlà pùla man ina yau ina kupù woton sàlà wotoko ku'nài pe tùmeluntàlù ke ina wettoppe. Meluntà itesak pe ina nai'nùk màlà tùuyàssen Katù winàpai.

Colossians 1:7

Sàlà ittuppù auya'nokon Epaphras ina tonpa, ina pùnùn kulu, ina we'wotokoma Christ ponaloppe tonpa winàpai, ailon pe kulu tùusetakkaik pùla tùwe'wotokomasen àpàkànsau'nokon.

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

1 Timothy 1:18

Umu Timothy, sàlà enupantok tùlù uya sàlà eyemyak. Katù Maimu uya Wakù Akkwalù yai yekamappù àpàk tùuselupa yau lùppù yawàlà iwechi màlà. Tàwà màlà mayin ewepanta'matok ike pe nechii, wakù ponaloppe ewepanta'ma yawà,

1 Timothy 4:14

Wakù Akkwalù uya lepantok ayau nai'nùk tapulàse pùla kùkkupùi, elepappù lùppù ike Katù Maimu yenpoikannan uselupappù ipàk lùppù molopai sochi yennàinan temyatù tùtai àpona.

1 Timothy 4:6

Sàlà yamùk usenupantok iwinà yekamasak auya ailon tawonnan pàk yau, wakù pe Jesus yapyoto pe tùwessen pe ewechi màlà, ailon itekale yau yemokkasak pe molopai wakù enupantok yawàlà iwessak pe.

1 Timothy 5:22

Kesemittàpai eyemyatù tùlù auya ànù'là pona pàk Itepulu Jesus wotokoyi ponaloppe tok tùlù auya pàk. Tùulon kon uya àli kupù tonpa pe kechii; wakù pe esuken ekkà.

1 Timothy 6:12

Wakù pe epanta'makà ailon tetok auya yau meluntà pe ewechi pa, molopai tàwàlà wema'nàtok yepokà àponalok pe; masapùla sàlà wema'nàtok yak màlà Katù uya àkà'mappù “Ailon tawon Iulà ” tesak auya yau, tukkan kon yetannan yemloto po.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

2 Timothy 3:14

Tùse àmàlà, ailon eyenupappù lùppù yau molopai ananùmùppù lùppù yau ekkà. Masapùla ànùk yan wechippù eyenupanài pe ittu auya pàk,

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.