2 Timothy 2:19 - Patamuna New Testament Revised

¹⁹ Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

2 Timothy 2:19 ပူးပေါင်းရင်းမြစ်များ

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Matthew 7:23

Màlàyau nen uchi tok pàk, ‘Eyittusak kon uya pùla man. Uwinàpai itàtàk kon àli ku'nàinan amyamlo!’ te uya màlà,” teppù Jesus uya.

Matthew 7:25

Konok utappù pùlù pe, tuna u'mappù, molopai assetun utasse'nùmùppù meluntà pe tapùi pona. Tùse iwekkawai'mappù pen màlà, masapùla tàk po yamùsak pàk.

Mark 12:16

Màlàpàk tok uya pùlayatta pun nepùppù. “Ànùk yenpata ken sà, molopai ànùk yesek ken uchi sà?” tukaik tok yekamappoppù ya.Tok uya, “Pata yesak, Rome pon,” teppù ipàk.

Mark 13:22

Masapùla Christ pe tukaik, molopai Katù Maimu yenpoikannan pe tukaik tùusennakasan ailon ton pen uyàpù màlà molopai yentok ipàkàlà woton, eke ton enumenkanài molopai enalippanài kupù tok uya màlà. Ikupù tùuya'nokon yau Katù nanùmùssan yennakaiche tok wechi màlà.

Luke 13:27

‘Eyittu kon uya pùla man. Inai'là pai là àuyàssak kon ittu uya pùla man, tamùnawàlà amyamlo àli ku'nài nan!’ tukaik tu'ma yeiku ya màlà.

Luke 6:48

Tapùi yamùnàippù kasa iwechi màlà i'nak yakanàippù molopai yapon tùnàippù tàk pona. Tuna'ma uyàpùppù molopai tapùi wànàppù ya tùse ilaikappù ya pen, masapùla wakù pe kulu yamùsak pàk.

John 10:14

Iulà mùkkàlà wakù kalinilu yamùk yesak. Uyùkùnnon tùttuyaik molopai uyittunnan mùkyamlo.

John 13:18

“Tamù'nawolon kon amyamlo pàk uselupa pen nai'nùk, tùttuyaik nen unanùmùssan. Tùse Katù Maimu uya, ‘Mùkkàlà pùlomù pussak nassai'nùk upyak welattàsak man uwinàkàik,’ teppù kasa iwechi màlà.

John 3:33

Ànù'là uya ichelupatok yanùnsak yau, ailon pe Katù wechi yekama ya màlà.

Yeunossak kon Wotokoyi 11:26

Yeposak tùuya yau, inepùppù ya Antioch pona. Tewin kilichimochi pùsamlo asa'lon kon wessepopàtùppù sochi tawon kon pokonpe, molopai tukkan kon kappon yamùk yenupappù tok uya. Antioch po màlà wapiya kulu ailon tawonnan yesatùppù Christ ponalok kon tukaik.

Yeunossak kon Wotokoyi 15:17

Màlàyau kappon yamùk tonpassan uya Itepulu iwa màlà, molopai tamù'nawolon kon Jew yamùk pen unkà'massan uyesek yai,

Yeunossak kon Wotokoyi 9:14

Molopai iyàssak màlà Damascus pona, eke ton paatele yamùk yepulu ton winàpai tapàikketù tepose, molopai tamù'nawàlà eyesek yesa'nài nan yachise,” tukaik.

Romans 11:2

Katù uya tùponalok kon kappon yamùk nulunpasak pùla man, mùkyamlo inanùmùsan iwepyattà motapai. Mùttuyatàik Katù Maimu uya màlà Elijah uya Katù pawanattàppù Israel winàkàik.

Romans 12:9

Tàwà ailon pe kulu euchi'nùnmatok kon nechii, àli pe nai'nùk eyewanma kon pe, wakù pe nai'nùk kupù pàk ettàk kon.

Romans 15:20

Jesus yekale usekamappù yau pen pata yau Wakù Itekale enekamapaino Iulà tàwàlà, tùulon kon nùpyattàppù pàk we'wotokoma tukaik.

Romans 15:9

Molopai Jew yamùk pen uya Katù yapulàtoppe ichentuppatok pàkàlà. Iwe'menukasak kasa, “Màlàpàk ayapulà uya màlà Jew yamùk pen kùlottau, eyesek yapulà pe elen kupù uya,” tukaik. {2Sa 22. 50, Psa 18.49}

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

Romans 9:11

Katù uya Rebecca yelupappù màlà pùsamlo mule yamùk pàk tok wentu wapiya. Katù uya yekamappù ipàk, “Ilui wechi màlà takon yapyoto pe,” tukaik. {Gen 25.23} Sàlà uyàpùppù màlà mule yamùk wentu wapiya, wakù là wapùla àli là yà'làlà kussak tok uya wapiya, Katù uya anùnnàtok wechi yà'làlà ikussak wakù wapùla àli là pàkàlà pùla yekamanài pe kulu, tùse teselu pàkàlà làkku.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 8:3

Tùse kappon Katù pùnùnmanài mùkkàlà Katù nùttu.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

Ephesians 2:20

Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 3:15

Tamù'nawolon epùn pon kon molopai non pon kon konekanàippù mùkkàlà molopai tesek kon yepotok tok uya iwinàpai.

Ephesians 4:30

Molopai Wakù Katù Yakkwalù kùsewankono'matàu. Masapùla Wakù Akkwalù mùkkàlà Katù wettok eyesak kon pe yentok ipàkàlà Katù uya eyepeppù kon tùlù Weyu ponàlà.

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

1 Timothy 6:19

Sàlà kasa tok uya màlà temamin kon pilipù ewanawolok woton yapon pe molopai nen uchi tok uya wema'nàtok yepolo màlà ailon kulu wema'nàtok.

Hebrews 11:10

Masapùla pata yeneiche Abraham iwechippù màlà Katù nùttuppù molopai inkonekappù màmuku pàk, pata sa'man pata yamùtok ipo.

2 Peter 3:14

Màlàpàk uchi, utonpa yamùk, màlà wei màmukui'ma'nokon, ànùttu kon ikuttàk kon esuken molopai àli pe pùla ewechi kon pa Katù yenu yau, molopai echitonpa pe ewechi kon pa ipokonpe.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 21:14

Pata we'na kassak wechippù 12 pan tàk yamùk po, ipàk màlà 12 pan kon Kalinilu Mule neunokossan yesek menukasak wechippù.

Revelation 22:4

Tok uya màlà itenpata yene, molopai itesek menuka màlà tok peyeppà pàk.

Revelation 3:8

Ànkupù tùttuyaik. Manatta yakkokasak uya man eyemloto po, ànù'là uya yakkolo yentai. Emeluntàlù wechi mala lùkkwà tùse enupantok uya kupùppù auya molopai ailon pe ewechippù upàk.