2 Timothy 2:18 - Patamuna New Testament Revised

¹⁸ Tok utassak man ailon winàpai. Iwelichak kon we'wuluukakapùppù nen màlà pena nùkayan tok, molopai ailon tetok tùulon kon uya mattanùssan tok.

2 Timothy 2:18 ပူးပေါင်းရင်းမြစ်များ

Matthew 15:13

“Tamù'nawolon yei Ukàipùnù epùn pon nùpàmàppù pen kalaka màlà,” tukaik Jesus uya yeikuppù.

Matthew 22:29

Jesus uya tok yeikuppù, “Ikasa pùla kulu messatàik! Masapùla Katù Maimu wapùla Katù yapàikketù ittu auya'nokon pùla iwechi pàk.

Luke 8:13

Tùpànsen iwepukasak lùppù tàk pon non pona uya yekama nai'nùk, mùkyamlo itekale yetan nan molopai yanùnnài nan tùutauchinpaik tùse ikala pùla tùwessan. Ailon tawonnan tachin pe pùla, molopai tùwelattàsan ailon winàpai ittuntok uyàssak yau.

Yeunossak kon Wotokoyi 5:39

Tùse Katù winàpai iyàssak pe iwechi yau, amyamlo uya tok yentaika pen màlà. Yattai pùla Katù winàkàik ewepanta'ma kon pe iwechi màlà!” teppù Gamaliel uya. Itepulu yamùk uya wa tetok ya kupùppù.

1 Corinthians 11:19

Wakù pe iwechi màla, tùpatalà àkklottau'nokon ewettok kon uya màlà ànùk wechi kulu là ikasa Katù yenu yau yentoppe yenpoika.

1 Corinthians 15:12

Màlàpàk, Christ we'wuluukappù pe itekale yekamasak yau, yà'là pe ken uchi iwechi pàk tùulon kon uya iwelichak we'wuluuka pen màlà te nai'nùk?

Colossians 3:1

Àwuluukasak kon man wema'nàtok yak Jesus Christ pokonpe. Eyewan kon uchi itùtàk kon màlà yamùk epùn po nai'nannùk pàk, Christ wettok chichiupe tapon po kamik pen Katù yemyatù winon namantok patassek winà.

1 Timothy 1:19

ailon tetok auya eyewan yau nechii molopai tùwanmùla eyewan yau ewettok molo nechii. Tùulon kon wechippù ailon tetok tùuya'nokon maimu yawàlà pùla man molopai ailon tetok tùuya'nokon mattanùssak tok uya.

1 Timothy 6:10

Masapùla pùlayatta pàk ewan tùtok màlà tamù'nawàlà yà'là yekkwa àli uyàttok iwinà. Tùulon kon wechippù man enepopai kulu màlàyau tok utàppù miya ailon tetok winàpai molopai tok usewankono'mappù, màlà uya tok yewan ikkwàssaks.

1 Timothy 6:21

Masapùla tùulon kon kappon yamùk uya, ‘ittutok yesappe wessaik’, tesak man, ailon tetok tùuya'nokon ipàkàlà yenu'mappù tok uya màlà màlà pàkànsau. Wakù pe Katù wettok wechi tamù'nawàlà apyau'nokon màlà.

2 Timothy 2:14

Àtonpa yamùk kappon yamùk yenu yapyontàkà sàlà pàk, molopai tùumayintaik tok yekamappokà Katù yemloto po tok wepanta'ma mayin yamùk pàkànsau tukaik. Wakù ku'nài pen màlà, tùse kappon yamùk yetannan mattanù'nài.

Titus 1:11

Tok uselupa yeleutanùpù pe là nen iwechi màlà, masapùla kappon yamùk yaimelunpayan tok, tok munkà pokonpe màlà enupantok tùuya'nokon yekama tùuya'nokon ke, màlà kappon yenupatok yek pen ke, àli pàkànsau pùlayatta yepotoppe tùuya'nokon.

Hebrews 3:10

Màlà wenai we'naikasak wechippù màlà mùkyamlo kappon yamùk pàk, molopai, ‘Ikasa pùla tùwessan mùkyamlo, tàwàlà tùutassan tewan kon yau, molopai uyeselu ittu tok pùla iwechi màlà,’ teppù uya.

James 5:19

Utonpa yamùk! Tewin nà àkklottawon kon utatù ailon, iwalai winàpai, molopai tùulon kon uya inettu'ma yau,

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.