2 Timothy 2:10 - Patamuna New Testament Revised

¹⁰ sàlà wenai tamù'nawolon pàlika uya sàlà, Katù nanùmùssan kappon yamùk pàkànsau, tok uya nàlà wepùikattàntok Christ Jesus yau yepo toppe, tamùkke apulàntok tàwàlàlà pokonpe.

2 Timothy 2:10 ပူးပေါင်းရင်းမြစ်များ

Matthew 24:22

Tùse Katù uya pata weyu yamùk tonpakasak man, ikussak ya pùla iwechi yau, ànù'là uya wemapù pen màlà. Tùnanùmùssan pàkànsau Katù uya pata weyu yamùk tonpaka màlà.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Luke 18:7

Katù uya ken na' tùnanùmùssan kalawù tùpàk weinai, molopai ewalupàttau, tùse italumattànàippù tùtalumattàse pùla iwechi?

Luke 22:57

Tùse Peter uya, “Nossan, unùttu pen nen mùkkàlà!” teppù.

John 11:52

tùse mùkyamlo ponaloppe neken pùla, tùse mùkyamlo nàlà iwetta'nùssak kon Katù munkà yamùk ponaloppe, tok nesse tamùkke tewin tok wettoppe.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 17:9

“Tok pona wàpùlema sàlà. Tùse Wolù ponalok kon pona wàpùlema pen sàlà, tùse mùkyamlo ulepatok kon auya pona. Masapùla àponalok kon mùkyamlo.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 9:23

Eke kulu tapulàtok enenpoikapai tùwechi ipàk tùusentuppapù ton pàk pàk, mùkyamlo inkonekassan pena tapulàtok yanùnnàinan pe tok wettoppe.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 9:22

Attu'mùla tùwessan kùlottau wechi yau atu'mùla tùwenasen Iulà, attu'mùnon nettoppe uya Christ piyak. Màlàpàk tamù'nawolon pe tùwenasen Iulà tamù'nawolon kon kappon yamùk pàk tùulon kon nà wepùikattàtoppe.

2 Corinthians 1:6

Ina wettalumattà yau, eyewan kon ipik pe iwechi màlà molopai ewepùikattàtok kon iwinà pe. Ina yewan ipittàsak yau, eyewan kon ipik pe iwechi màlà talumattàntok ina nùpàlikappù yekkwa lùppù pàlika auya'nokon yau.

2 Corinthians 12:15

Utauchinpa kulu nen màlà tamù'nawolon itesak pe wettok yapulà uya àponalok kon pe pak molopai uyapulà uya pàk nàlà àpùikattàtok kon pe uya. Malalà neken ken na' u'nùnma auya'nokon màlà à'nùnma kon uya eke pe pàk?

2 Corinthians 4:15

Tamù'nawàlà sàlà yamùk wekkupùppù màlà àpàkànsau'nokon. Molopai wakù pe we'nàtok Katù winàpaino uya tukke molopai tukkeiwa kappon yamùk yepolo. Màlà uya tenki tetok Katù pàk nettoppe eke peiwa yapulà pe.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

Ephesians 3:13

Apawanattàyatàu uchi Iulà kesewankono'matàu wettalumattà pàk. Àpàkànsau'nokon iwechi nai'nùk. Eumeluntàtatok kon pe iwinà.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

1 Thessalonians 5:9

Masapùla Katù uya anùnnà'nokon wettalumattàntok kon pe tùwe'naikatok yau pùn, tùse anùnnàppà ya màlà wepùikattàntok yepotoppe Kùyepulu Jesus Christ yai,

2 Thessalonians 2:14

Àkà'mappù kon ya màlà sàlà yak, Wakù Itekale ina nekamappù yai. Àkà'mappù kon ya màlà Kùyepulu Jesus Christ yapulàtok pùkkù wettoppe àponalok kon pe.

2 Timothy 1:1

Sàlà kaleta màlà Paul winàpaino, Christ Jesus neunokoppù. Katù uya uyanùmùppù màlà yeunossak pe molopai wema'nàtok itùlù tùuya teppù luppù ke ulepasak Christ Jesus ponaloppe we'nà'nokon yau,

2 Timothy 2:1

Àmàlà, umu, meluntà pe ekkà wakù lepantok yau kùponalok pe nai'nùk Christ Jesus yau.

2 Timothy 2:3

Ewettalumattàtok yanùnkà ina pokonpe, ailon Christ Jesus ponaloppe soicha kasa.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

1 Peter 2:10

Pena Katù ponalok kon pe pùla ewechippù kon, tùse sàlà pe nen uchi iponalok kon pe messatàik; pena Katù usentuppatok ittu auya'nokon pùla iwechippù, tùse sàlà pe ichentuppatok yanùnsak auya'nokon man.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.