2 Timothy 1:7 - Patamuna New Testament Revised

⁷ Masapùla Wakù Akkwalù Katù uya lepansak kù'nokon ike nai'nùk mùkkàlà tùwettalipasen pe ku'nài pen; tùse kùyanùkkanài mùkkàlà meluntà ke, uchi'nùnmantok ke molopai wakù pe ewemapù pa àku'nài màlà.

2 Timothy 1:7 ပူးပေါင်းရင်းမြစ်များ

Luke 10:19

Apàikkek ke elepasak kon uya man, àkài yamùk polo ausalà kon pa, molopai malità yamùk polo, molopai tamù'nawolon eya'nomanài yapàikketù yepoi ewechi kon pa. Yà'làlà uya amattanùpù kon pen màlà.

Luke 15:17

Màlàyau wakù pe iichenumenkatok uya yepoloppù, ‘Tamù'nawolon kon nà ukàipùnù ponaloppe tùwe'wotokomasan wechi eke pe iteipa tok uya inapù yentai tùse talà wessaik wapàkkapù pàk te,’ teppù ya.

Luke 24:49

Molopai Ukàipùnù uya itùlù uya màlà teppù lùppù yeunoko uya màlà àpona'nokon Iulà pe. Mùmàmuttàik uchi Jerusalem po meluntà uttà àpona'nokon ponalà,” teppù ya.

Luke 8:35

Kappon yamùk utàppù màlà iwekkussak lùppù yense. Jesus piyak tok uyàpùppù molopai kàyik, àli akkwalù yamùk wepakkappù yapai lùppù yepoloppù tok uya chichiu pe Jesus pùta piyau. Iwepontàsak molopai wakù pe ichenumenkatok, molopai tamù'nawàlà tok wettalipappù màlà.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 21:13

Tùse yeikuppù ya, “Yà'là pe ewechi kon màlà, akalawù kon sàlà kasa molopai uyewan ikkwàtù auya'nokon,” tukaik. “Wekonekasak man uyaulonpà toppe neken nà Jerusalem po pùla, tùse welittok pe nàlà Itepulu Jesus ponaloppe,” tukaik.

Yeunossak kon Wotokoyi 26:11

Tukke itekkwa tok talumattàppù uya màlà tamù'nawàlà Jew yamùk wepilittok itak tau, molopai àli pe Katù winàkàik tok uselupatoppe tok kupùiche wechippù. Useka'nonka tok mattanùpùiche yau, tùulon pata yak là tok talumatàik utàppù màlà,” teppù Paul uya.

Yeunossak kon Wotokoyi 26:25

Paul uya imaimu yeikuppù, “Utayaupa pùla man, tùnamasen Festus! Uselupayaik ittui'ma ailon pàk.

Yeunossak kon Wotokoyi 6:8

Stephen wanùssak Katù yapàikketù ke molopai wakù pe iwettok ke uya, eke ton tensan yek pen, enumenkan nan kupùppù kappon yamùk kùlottau.

Yeunossak kon Wotokoyi 9:22

Tùse Saul wenappù meluntà peiwa, molopai Jesus wechi Christ pe yekamatok ya uya Jew yamùk Damascus po tùwemassan yaimelunpasak uya yeiku pùla iwechippù.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

Romans 8:15

Masapùla Wakù Akkwalù Katù uya elepatok kon màlà apyoto pe àku'nài'nokon pen molopai eusenalipa kon pa tu'ma àku'nài'nokon pen, tùse Wakù Akkwalù làkku màlà Katù munkà yamùk pe àku'nài'nokon. Molopai Wakù Akkwalù meluntàlù winà Katù pàk, “Abba! Ukàipùpù!” tawonnan kùmyamlo.

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Colossians 1:8

Wakù Akkwalù uya elepatok kon uchi'nùnmantok yekamappù ya nàlà màlà ina pàk.

Hebrews 2:15

Molopai tamù'nawàlà mùkyamlo tàwàlàlà tùusenalipaik weli'nàtok pàk tùwemassan pùikattàtoppe tùuya.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 4:18

Nalippe pùla ku'nài màlà uchi'nùnmantok. Wakù kulu uchi'nùnmantok màlà tamù'nawàlà nalik pe we'nàtok yenpenài, masapùla nalik pe we'nàtok màlà wettalumattàntok pokon pan. Màlàpàk mùkkàlà nalik pe tùwessen usemokkasak pùla iwechi màlà wakù kulu uchi'nùnmantok yak.