2 Timothy 1:3 - Patamuna New Testament Revised

³ Tenki ukayaik Katù pàk, yapulù pe we'wotokoma pàk tùwanmùla echii'ma esuken, utamo yamùk we'wotokomappù kasa. Tenki tawon Iulà eyittu uya tàwàlà wàpùlema yau, ewalupàttau molopai wei nai.

2 Timothy 1:3 ပူးပေါင်းရင်းမြစ်များ

Luke 2:37

Tùtayappù welikù tùpo iiko'mamùppù tachin pe, 84 pe ikilichimochiyi wechippù. Katù yùwùk nàmàppù ya pen, wei kaichalà, ewalupàttawà, tùwàpùlema pàk iwechippù tùuta'lettàik pùla.

Yeunossak kon Wotokoyi 22:3

“Jew Iulà, iwentusak lùppù Tarsus Cilicia pon po, tùse ichemokkasak talà Jerusalem po, Gamaliel nenupappù. Kùtamo kon yamùk law yawàlà kulu, molopai Katù yemyak wettùsak kulu sàlà akasa'nokon sàlà pe.

Yeunossak kon Wotokoyi 23:1

Paul uya Jew yamùk Yepulu yamùk yeneppù, “Utonpa yamùk! Tùwanmùla uyewan man Katù yemloto po wemattok yau sàlà wei tepose,” teppù ya.

Yeunossak kon Wotokoyi 24:14

Sàlà yekama uya àpàk: Ina tamo yamùk Katùyi namanài Iulà, molopai yapulànài Iulà, màlà Wakù Itekale Yeselu yawàlà tùwesse, màlà iwalai pen tetok tok uya. Tùse ailon tawon nàlà Iulà tamù'nawolon Law pàk molopai Katù Maimu yenpoikannan kaletayi pàk.

Yeunossak kon Wotokoyi 24:16

Màlàpàk wakù pe esuken usenumenkatok kupùiche tùwessen Iulà tàwàlàlà, Katù molopai kappon yamùk yemloto po.

Yeunossak kon Wotokoyi 26:4

“Tamù'nawolon kon Jew yamùk nùttuyan atta là wemapùppù elekkwà pe wechi motapai. Tok nùttuyan iwepyattàppù motapai wemapùppù, upata yau wapiya, molopai Jerusalem po.

Yeunossak kon Wotokoyi 27:23

Masapùla ko'manyak ewalupàttau Katù iponalok pe wettok molopai unnama molopai unapulà inchelùyi nùyàttai upyak,

Romans 9:1

Wa ukayai'nùk màlà ailon. Kùlaik ponalok Iulà molopai kasei pe wechi pùla man. Wakù Akkwalù uya nàlà i'napailà usenumenkatok ittu nai'nùk kasei pe pùla wechi.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

Galatians 1:14

Jew yamùk uya enupantok yawàlà wechippù tukkan kon uwalainon yentai. Ina tamo yamùk yeselu lùppù kupùppù uya eke pe.

Ephesians 1:16

àpona'nokon wàpùlematok yeleutanùssak uya pùla man Katù pàk tenki te uya yau. Eyittunài'nokon Iulà wàpùlema yau,

1 Thessalonians 3:10

Wei kaichalà molopai ewalupà kaichalà tamù’nawàlà tewan kon ke tùwàpùlemasan ina, tùmàlà'nokon pe nàlà ina uya eyentok kon pe molopai yà'làlà iche ewettok kon ailon tetok auya'nokon yau tùtoppe ina uya.

1 Timothy 1:19

ailon tetok auya eyewan yau nechii molopai tùwanmùla eyewan yau ewettok molo nechii. Tùulon kon wechippù ailon tetok tùuya'nokon maimu yawàlà pùla man molopai ailon tetok tùuya'nokon mattanùssak tok uya.

1 Timothy 1:5

Ailon uchi'nùnmantok pàk tok menupaik esukenan ewan yapai tùuyàsen, molopai tùwanmùla we'nàtok ewan yau yapai, molopai ailon tetok i'napailon kulu yapai.

1 Timothy 5:5

Tewinchalon kulu, ànù'là ipùikattànài woton pùn uya mà, enpen tùwettok nonkasak màlà Katù pona tà molopai tùpùikatàtok yenna pàk iwechi ewalupà kaichalà molopai wei kaichalà.

2 Timothy 1:5

Ailon kulu ailon tetok auya ittunài Iulà, màlà ailon tetok ànok Lois molopai asan Eunice uya yekkwa. Tùttuyaik kulu itesak pe nàlà ewechi.

2 Timothy 3:15

molopai mùttuyaik mule pe ewechi motapai Wakù Katù Maimu ituppù auya, pukkek pe we'nàtok ke elepanài màlà wepùikattàtok yak anài ailon tetok Christ Jesus yau.

Hebrews 13:8

Jesus Christ mùkkàlà walai lùppù, ko'manyak, sàlà pe molopai tàwàlàlà.