2 Timothy 1:13 - Patamuna New Testament Revised

¹³ Ailon mayin eyenupatai nùk Iulà yentok ipàkàlà pe ewettok pe imainampakà, molopai ailon tetok yau ekkà molopai uchi'nùnmantok yau ekkà kùmàlà pe nai'nùk Christ Jesus ponolak kon pe we'nà yau.

2 Timothy 1:13 ပူးပေါင်းရင်းမြစ်များ

Romans 2:20

Pakko ton panamanài pe ewechi, molopai mule yamùk yenupanài pe. Masapùla Law yawon ittutok molopai ailon yesappe ewechi pàk.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 4:9

Màlà eusenupappù kon ipàk molopai ananùmùppù kon uwinàpai ikuttàk kon, asakklàma umaimu molopai uyeselu yapai eneneppù kon. Molopai Katù elepanài'nokon echitonpa pe we'nàtok ke wechi apyau'nokon màlà.

Colossians 1:4

Masapùla ailon tetok auya'nokon Christ Jesus pàk yekale yetasak ina uya man. Molopai tamù'nawolon kon Katù ponalok kon pùnùnmatok auya'nokon yekale yetasak ina uya.

1 Thessalonians 5:21

Tamù'nawolon yà'làlà yau esenumenkatàk kon ittutok auya'nokon ike ke. Molopai tamùnawolon yà'làlà yau, ‘Sà ken àli pe naikko molopai sà wakù pe’ tetok auya'nokon ke wakù kupù kon pa.

1 Timothy 1:10

Law menukappù nàlà màlà tùnoppù kon pen pokonpe tùwessan ponaloppe, kàyik pokonpe kàyik wechi ponaloppe, kappon yonanàinan pùlayatta yepotok kon pe tùuya'nokon ipàk pe ponaloppe, kasei pe tùwessan molopai ailon kasa tùukaseitasan kottù motau ponaloppe tùpatalà yà'làlà ku'nàinan ailon enupantok winàpai.

1 Timothy 1:14

Kùyepulu kon wessak wakù pe man upàk, upùlemasak ya man eke pe kulu ailon tetok molopai uchi'nùnmantok Christ Jesus yau nai'nùk ke.

1 Timothy 6:3

Ànù'là uya tùpatalon, ailon pen enupantok yekama yau molopai ailon Kùyepulu Jesus Christ Maimu pàk molopai enupantok Katù winàpaino pàk ailon tawon pen.

2 Timothy 1:1

Sàlà kaleta màlà Paul winàpaino, Christ Jesus neunokoppù. Katù uya uyanùmùppù màlà yeunossak pe molopai wema'nàtok itùlù tùuya teppù luppù ke ulepasak Christ Jesus ponaloppe we'nà'nokon yau,

2 Timothy 1:14

Wakù ton apanamassan lùppù ike mùttuik, mùmainampaik Wakù Akkwalù kùyau tùwemassen meluntàlù yai.

2 Timothy 2:2

Enupan uya yawàlà uyetappù auya tukkan kon yemloto po. Sàlà lùssan uchi yekama auya iche wessaik ailon tawonnan pàk, mùkyamlo, tùulon kon yenupannan yek pàk.

2 Timothy 3:14

Tùse àmàlà, ailon eyenupappù lùppù yau molopai ananùmùppù lùppù yau ekkà. Masapùla ànùk yan wechippù eyenupanài pe ittu auya pàk,

2 Timothy 4:3

Masapùla kappon yamùk wettok ailon enupantok enetapai pùla yattai uyàpù màlà, tùse yà'làlà ànkupai tùwetok kon kupù tok uya màlà, molopai tok uya tenupanài'nokon woton kon pilipù màlà tukke molopai tukke iwa enetapai tùpana kon uka'nàluntok yekama tok pe tok uya.

Titus 1:9

Wakù Itekale pàk meluntà pe tùwemassen pe, ailon tetok ipàk pe enupantok uya panamantok yawàlà. Sàlà kasa tùulon kon meluntàtanpù ya màlà ailon enupantok ke, molopai nàlà iwalai pen yekama ya mùkyamlo ailon yeya'noma yai'nannùk pàk.

Titus 2:1

Tùse màlà iwalai enupantok ke kappon yamùk yenupakà.

Titus 2:8

Wakù ailon mayin yapulàkà, imottùnpa yentaino, eyeyaton wettùtoppe tùwekkuli'matok kon yak yà'làlà àli pe tùuselupatok kon kùpàkù'nokon pùla iwechi pàk.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.

Revelation 2:25

Tùse eyenupatok kon itesappe messatài'nùk kù'nonkatàu kulu uyàpù ponalà.

Revelation 3:11

Uyàpù màlà asse'ne. Itesappe ewettok kon ikuttàk wakù pe, ànù'là uya wakù entaikantok auya yepeppù alok mokka tukaik.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.