2 Peter 3:9 - Patamuna New Testament Revised

⁹ Itepulu mùkkàlà ikupù tùuya teppù tùuya lùppù ko'mankanài tachinpe pen, tùulon kon usenumenka ipàk kasa. Tùse làkku àpàlikanài'nokon mùkkàlà molopai tùusetakkasen pen àpàkù'nokon masapùla ànù'là wettalumattà iche pùla tùwechi pàk, tùse tamù'nawolon kon welattà makui winàpai iche tùwechi pàk.

2 Peter 3:9 ပူးပေါင်းရင်းမြစ်များ

Romans 13:11

Sàlà uchi mùkuttàik, masapùla yà'là yekkwa yattai là iwechi ittu auya'nokon pàk. We'nùnnàtok yapai aupakatok kon yattai uyàssak man. Masapùla wepùikattàntok kon yattai mei pùla lùiwa man sàlà pe ailon teppù'nokon wapiya yentai nen uchi.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 2:4

Wapùla ka' Katù wettok wakù pe ku'nài àmàlà i'nùmla lù? Wapùla pàlikantok ya molopai tùusentuppatok yau alikyeppe eyenpàtù ya. Mùttuyan uchi yà'là pe iwechi pàk Katù wechi tùusentuppasen pe? Masapùlaichi àli pe ewettok kon winàpai ewelattà kon iche tùwechi pàk.

Romans 9:22

Yattai pùla là Katù wechippù tùwe'naikatok molopai tùmeluntàlù enenpoikapai sàlà. Màlàyau mùkyamlo tùwe'naikatok ipàk ton pan kon pàlikappù ya, mùkyamlo tùntalumattà pan kon.

1 Timothy 1:16

Tùse ànù'là yentai àli pe kulu wechi pàk Katù usentuppappù màlà upàk tùwenukassen pen Christ Jesus wettok pàlikanài pe yentok ipàkàlà pe. Sàlà kupùppù ya màlà tùulon kon uya ailon tetoppe Christ pàk molopai tàwàlàlà wema'nàtok yepotoppe tok uya.

1 Timothy 2:4

tamù'nawolon kon wepùikattà ichelok mùkkàlà molopai ailon ittu tok uya iche tùwessen.

Hebrews 10:37

Masapùla Katù Maimu uya, “Mùkkàlà tùuyàssen uyàpù màlà, tachin pe iwechi pen kulu màlà.

1 Peter 3:20

Pùsamloichi wechippù màlà akkwalùppà yamùk lùssan pe Katù Maimu yawàlà iwessak kon pen pe, tùusetakkaik pùla inmàmukussan Noah uya kanau koneka weyu yamùk yattai yau pe. Tukkan kon pen kappon yamùk wechippù kanau yau, 8 pan kon neken. Mùkyamlo wepùikattàppù màlà tuna winà.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.

2 Peter 3:15

Kùyepulu kon Jesus uya pàlikantok yentàk kon ewepùikattàtok kon yattai pe, kùtonpa kon Paul uya imenukappù apyakù'nokon kasa, pukkek Katù uya tùlepatok yapulài'ma.

Revelation 2:21

Tùmakuyi winàpai iwelattàtok yattai ke ilepasak uya man, tùse elattàpai pùla man tesak ke tùwemakuimatok winàpai.