2 Peter 3:2 - Patamuna New Testament Revised

² Pena yekamasak kon wakù ton Katù Maimu yenpoikannannùssan winà ittu auya'nokon iche wessaik, molopai Itepulu Jesus Pùikattànài wettok ikupù iche yeunossak kon nekamappù àpàkù'nokon.

2 Peter 3:2 ပူးပေါင်းရင်းမြစ်များ

Luke 1:70

Wa teppù tùuya kasa penalok kon wakù ton tùmaimu yenpoikannan winà.

Luke 24:27

Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Yeunossak kon Wotokoyi 10:43

Tamù'nawàlà Katù Maimu yenpoikannan uselupasak màlà ipàk, ànù'là ailon tawon ipàk uya màlà usentuppantok tùmakuyi pàk yepolo itesek yapàikketù yai,” teppù Peter uya tok pàk.

Yeunossak kon Wotokoyi 28:23

Màlàpàk tok uya wei konekappù Paul pokonpe tùwessepotok kon pe, molopai tukke tok uyàpùppù màlà yattai Paul patassek yak. Ko'làma motapai ewalupà tepose Katù wettok itepulu pe yekale yekamappù ya. Jesus pàk ailon tetoppe tok uya ikupù iche iwechippù, Law Moses winàpaino molopai Katù Maimu yenpoikannan nùmenukappù yapai.

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.

Yeunossak kon Wotokoyi 3:21

Epùn po iwechi màlà tamù'nawolon wenatok emennak pe yattai uyàpù ponalà, Katù uya yekamappù pena wakù ton tùmaimu yenpoikannan yai kasa.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Ephesians 2:20

Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 3:5

Pena kappon yamùk pàk sàlà tùttusen pen yekamappù pen màlà, tùse Katù uya yenpoikasak man sàlà pe Wakù Akkwalù winà wakù ton esukenan kon tùneunokossan molopai tùmaimu yenpoikannannùssan pàk.

1 Timothy 6:14

Sàlà enupantok maimu yawàlà ekkà, molopai esuken ekkà molopai yà'làlà iwalai pen pùla, Kùyepulu Jesus Christ Weyu usenpoika ponalà.

2 Peter 2:21

Wakù pe iwa iwechippù eppaino tok pona wakù pe we'nàtok ye'ma ittusak tok uya pùla iwechi yau, ittusak tok uya yentai molopai nen uchi tok welattà màlà tùnamasen Law Katù winàpaino ittùsak kon tok yemyak winàpai.

2 Peter 3:15

Kùyepulu kon Jesus uya pàlikantok yentàk kon ewepùikattàtok kon yattai pe, kùtonpa kon Paul uya imenukappù apyakù'nokon kasa, pukkek Katù uya tùlepatok yapulài'ma.

2 Peter 3:16

Walai mùkkàlà tamù'nawolon tùkaletayi yamùk yau sàlà yamùk pàk kaleta menuka tùuya yau. Sa'man ton molo man ikaletayi yamùk yau. Sàlà yamùk ichenupasak kon pen molopai ittunnanpetukaik tùusennakasan, asa'lon ichemenumenkatok kon nùlattùppù molopai tok yekamannan ailon pe pùla, tùulon kon Katù Maimu kupù tùuya'nokon kasa. Màlà kasa tok uya tùumattatatok kon nepù màlà.

1 John 4:6

Tùse Katù ponalok kon kùmyamlo. Ànù'là Katù ittunài uya kùyeta kon màlà; ànù'là Katù ponalok pen uya kùyeta kon pen màlà. Sàlà kasaichi màlà ailon Akkwalù molopai iwalai pen akkwalù wechi tùpatalà kulu ittu.

Jude 1:17

Tùse utonpa yamùk, pena iwekkupù wapiya Kùyepulu Jesus Christ neunokossan nekamappù lùppù kan mùttutàik tà.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.