2 Peter 3:11 - Patamuna New Testament Revised

¹¹ Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,

2 Peter 3:11 ပူးပေါင်းရင်းမြစ်များ

Matthew 8:27

Tamù'nawolon kon usenumenkasak wechippù màlà. “Yà'là yekkwa là ken uchi pùsàlà kàyik? Assetun nà molopai chipachipa là wettok imaimu yawàlà!” teppù tok uya.

Romans 13:11

Sàlà uchi mùkuttàik, masapùla yà'là yekkwa yattai là iwechi ittu auya'nokon pàk. We'nùnnàtok yapai aupakatok kon yattai uyàssak man. Masapùla wepùikattàntok kon yattai mei pùla lùiwa man sàlà pe ailon teppù'nokon wapiya yentai nen uchi.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 3:20

Tùse kùmyamlo mùkyamlo epùn pon ipata ton. Molopai Kùpùikattànài uyàpù miyàlàpai màmuku pàk kulu we'nà'nokon man, Itepulu Jesus Christ.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

1 Timothy 6:3

Ànù'là uya tùpatalon, ailon pen enupantok yekama yau molopai ailon Kùyepulu Jesus Christ Maimu pàk molopai enupantok Katù winàpaino pàk ailon tawon pen.

1 Timothy 6:6

Ewaik, Katù ya'là we'nà màlà kappon manài eke pe, itesak pe we'nàtok pàk tenki tawon pe we'nà yau.

Hebrews 13:5

Pùlayatta à'nùn kon pe kulu kùkkuttàu, molopai tùutauchinpaik ettàk kon itesak pe ewettok kon pàk. Masapùla Katù uya, “Ànàmà kon uya pen màlà wapùla ànonka kon uya pen,” tesak màlà.

James 1:24

Tùusensen mùkkàlà molopai tùutàsen molopai asse'ne ànùk kasa là tùuseneppù puttàka'nù'nài.

James 3:13

Pukkek molopai ittunài na' kappon molo nai àkklottau'nokon? Tàwàichi yekamakà wakù pe ewelaikatok molopai eyeselu winà wakù eyeselu ikonekasak, àsà pe pùla pukkeppe we'nàtok pokonpe.

1 Peter 1:15

Tùse làkku emattàk kon tamù'nawolon ànkupù kon yau, Katù àkà'manàippù'nokon wechi wakù pe esuken kasa làma wakù pe.

1 Peter 2:12

Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 1:6

ittunài pe ewettok kon pona eyesak kon pe ewettok kon; eyesak kon pe ewettok kon pona pàlikantok; pàlikantok auya'nokon pona wakù pe esuken Katù kasa we'nàtok;

2 Peter 3:10

Tùse Itepulu Katù Weyu uyàpù màlà amak uyàpù kasa. Màlà wei yattai kak waliwomù màlà wala'napi wettoikkwa kasa, kak yawon kon uyatù màlà, molopai màlà yamùk umatta màlà, molopai non waliwomù màlà tamù'nawolon tawon kon pokonpe.

2 Peter 3:12

Katù Weyu màmukui'ma'nokon, molopai ànùttu kon ikuttàk kon iyàttoppe yemittàpa pe. Màlà Wei kak uyattok molopai inmattatok yattai, molopai màlà yamùk kawon kon umatta màlà a'nek ke.