2 Peter 3:10 - Patamuna New Testament Revised

¹⁰ Tùse Itepulu Katù Weyu uyàpù màlà amak uyàpù kasa. Màlà wei yattai kak waliwomù màlà wala'napi wettoikkwa kasa, kak yawon kon uyatù màlà, molopai màlà yamùk umatta màlà, molopai non waliwomù màlà tamù'nawolon tawon kon pokonpe.

2 Peter 3:10 ပူးပေါင်းရင်းမြစ်များ

Matthew 24:35

Epùn molopai non utà màlà, tùse umaimu utà pen màlà.”

Mark 13:31

Kak molopai non tawon waliwomù màlà, tùse Umaimu wenukappù pen màlà,” teppù Jesus uya tok pàk.

Luke 12:39

Molopai sàlà mùttutàik! Amak uyàttok yattai ittu tùuya yau tapùi yesak uya, tùwùk tùkwàsse iwewontoppe ikupù pen màlà.

Romans 8:20

Masapùla inkonekassan wechippù màlà tapulàsen pe pùla itùwalà pùla tùse Katù yiwalà, masapùla enpen tùwechi pàk.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

1 Corinthians 5:5

Settan yemyak pùsàlà kàyik mùtùtàik ipun umattatoppe, yakkwalù wepùikattàtoppe Itepulu Weyu yattai.

1 Thessalonians 5:2

Masapùla amyamlo pe mùttuyatàik Itepulu uyàpù Weyu uyàpù amak uyàpù ewalupàttau kasa.

1 Thessalonians 5:4

Tùse amyamlo, utonpa yamùk, mùttuyatàik, ewalupàttau pùla messatàik molopai màlà Wei uya eyepolo kon ittu auya'nokon pùla là amyamlo là tenumenkaik amak kasa là pen màlà.

2 Peter 3:11

Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,

2 Peter 3:12

Katù Weyu màmukui'ma'nokon, molopai ànùttu kon ikuttàk kon iyàttoppe yemittàpa pe. Màlà Wei kak uyattok molopai inmattatok yattai, molopai màlà yamùk kawon kon umatta màlà a'nek ke.

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.

Revelation 16:15

“Yentàk kon! Uyàssaik amak kasa! Tùutauchinpasen mùkkàlà kappon tùwe'nùnsen pen molopai tùpon mainanpanài, ipon pùla tùusalà molopai tùwekuli'ma ayupo kappon yamùk yemloto po tukaik!” teppù ya nàlà.

Revelation 20:11

Màlàyau eke aimu'nan aponnok yeneppù uya molopai ipo chichiu pe tùwessen. Non molopai kak tawon wepeppù iwinàpai molopai ichentu'mappù pen.

Revelation 21:1

Màlàyau nen uchi emennak epùn molopai emennak non yeneppù uya. Wapiyalok epùn molopai non waliwomùppù molopai palau pùla iwechippù.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.

Revelation 6:14

Kak utamoko'mappù, kaleta utamoko'ma kasa, tamù'nawolon wùk molopai tuna iwoino pata utamappù màlà tùpatassek yapai.