2 Peter 2:7 - Patamuna New Testament Revised

⁷ Lot pùikattàppù ya, wakù kàyik, àli yeselu iche pùla iwessak lùppù.

2 Peter 2:7 ပူးပေါင်းရင်းမြစ်များ

1 Corinthians 10:13

Tamù'nawolon ittuntok ewinàkàik nùyàssai'nùk màlà tuulon kon kappon yamùk winàkàik tùuyàssen yekkwa. Tùse Katù mùkkàlà ikupù tùuya teppù tùuya lùppù ku'nài. Molopai emeluntàlù yentai kulu là eyittutok uyàttoppe àpona ikupù ya pen màlà. Molopai i'nai kasa là eyittutok yamùk winàpai ewepetok yawà woton yekama ya màlà.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

2 Peter 2:2

Màlà kasa làma àli ànkuppai tùwettok kon maimu yawàlà tok wechi màlà; molopai tok nùkupù winà, kappon yamùk uselupa àli pe ailon pàk.

2 Peter 3:17

Tùse amyamlo, utonpa yamùk kulu uya sàlà ittukassak màlà. Elanneppeichi ettàk kon, tùpanama kon yawolon kon pen kappon yamùk utattok winà ayalà kon tukaik, molopai ewesselekkwa kon wakù apatassek kon yapai tukaik.

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.