2 Peter 2:18 - Patamuna New Testament Revised

¹⁸ Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

2 Peter 2:18 ပူးပေါင်းရင်းမြစ်များ

Yeunossak kon Wotokoyi 2:40

Peter uya tok yelupappù tukke tok yeka'nonka pe, “Epùikattàtàk kon, sàlà wettalumattàntok nùyàsai'nùk pùsamlo àli ton kappon yamùk sàlà yattai nai'nannùk pona winàpài!”

Yeunossak kon Wotokoyi 8:9

Màlà pata yau piyassan walai kàyik wemapùppù màlà Simon itesek. Mùkkàlà uya kappon yamùk Samaria pon kon yenumenkasak wechippù yà'làlà kuttok tùuya ke. Ànù'là eke, pe tukaik iwekkupùppù.

Romans 13:13

Welaikanpai'nokon uchi wakù pe, kappon yamùk weinai tùwemassan kasa, tùwechipottùmase là pùla tùwentaimepàsse pùla wapùla wetùnnàtok pùla, àli imakuyippù ànkuppai esak wannà ke we'nàtok pùla wapùla esak wettok ànkuppai pùla, wepanta'mantok pùla wapùla kùlùmàlunnàtok pùla.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

2 Thessalonians 2:4

Yà'làlà, kappon yamùk wàpùlematok ipàk, iche pùla iwechi màlà. Molopai wepeiman nà inama pe wechi itewanma pe, tamù'nawolon màlà yamùk yentai iwekkupù màlà, molopai ità Katù yùwùk tak chichiu pe esse, eke pe ekkusse, molopai Katù pe tukaik iwekkupù màlà. ‘Iulà nen mùkkàlà Katù,’ te ya màlà.

James 5:5

Talù ewematok kon wechippù man wakù pe tùuseka'nonkaik molopai tùutauchinpaik. Kaiwan pe ewenasak kon man wàntok weyu yattaino pe.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.

2 Peter 2:14

Tok yenu uya ulichan yene àli ànkuppai tùwesse pùla pen màlà. Àli ànkuppai tok wettok màlà tùweleutasen pen. Attu'mùnon kappon yamùk yamùipannan mùkyamlo àli kuttok yak. Tewan kon yenupasak tok uya màlà tùuseka'nonkasen pe yà'làlà iche tùwettok kon pe. Katù uya pa'nù'nàtok yo'no tok wechi màlà!

2 Peter 2:2

Màlà kasa làma àli ànkuppai tùwettok kon maimu yawàlà tok wechi màlà; molopai tok nùkupù winà, kappon yamùk uselupa àli pe ailon pàk.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

2 Peter 2:7

Lot pùikattàppù ya, wakù kàyik, àli yeselu iche pùla iwessak lùppù.

2 Peter 3:17

Tùse amyamlo, utonpa yamùk kulu uya sàlà ittukassak màlà. Elanneppeichi ettàk kon, tùpanama kon yawolon kon pen kappon yamùk utattok winà ayalà kon tukaik, molopai ewesselekkwa kon wakù apatassek kon yapai tukaik.

Jude 1:13

Palau pon àsà chipachipa walainon mùkyamlo, kuli'manàinan teselu kon pokonpe tùusenpoika kon ke yaklon kasa. Tùutamasan chilùkà walainon mùkyamlo, Katù uya tok pata woton kussak màlà ewalupàttau we'nàtok tàwàlàlà yau.

Revelation 13:11

Molopai nàlà tùulon àsà ene wepakka non yapai yeneppù uya màlà. Asa'là iletù iwechippù kalinilu mule letù kasa, molopai ichelupappù ulupelu kasa.