2 Peter 1:7 - Patamuna New Testament Revised

⁷ wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

2 Peter 1:7 ပူးပေါင်းရင်းမြစ်များ

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

Colossians 3:14

Molopai tamù'nawolon sàlà yamùk yentaino ke itonpattàtàk uchi'nùnmantok ke tamù'nawolon ku'nài tamùkke tewin.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

1 Thessalonians 5:15

Ànù'là uya àli kussak ewinàkài'nokon yentak àli kupù auya'nokon tukaik ittu kon pa. Tùse tàwàlà wakù pe ettàk kon echiwinàkàik molopai tamù'nawolon kon pàk.

Hebrews 13:1

Euchi'nùnmakon pàk lùppùichi ettàk kon echitonpa ton pe.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:17

Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

1 John 4:21

Sàlàichi màlà Christ uya suwa ekkà tetok tùuya ke lepa'nàppà lùppù, mùkkàlà Katù pùnùnmanài uya nàlà tùtonpa pùnùnma màlà.