2 Peter 1:4 - Patamuna New Testament Revised

⁴ Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.

2 Peter 1:4 ပူးပေါင်းရင်းမြစ်များ

Romans 9:4

Katù nanùmùssan kan mùkyamlo tà tùmunkà yamùk pe molopai tapulàtok pùkkù pe tok kupùppù ya tùpokonpe. Ikupù tùuya tetok tùuya kupùppù ya màlà molopai Law, tùlùppù ya tok yemyak. Katù yapulàtok yesak ton mùkyamlo. Ikupù tùuya tetok Katù uya yanùmùppù tok uya màlà.

2 Corinthians 1:20

Masapùla Christ uchi mùkkàlà “Ewaik” tetok Katù uya ikupù tùuya tetok yau. Sàlà wenai uchi Jesus Christ yau “Emen” te màlà, Katù yapulàtok iwinà pe.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 6:17

“Màlàpàk tok winàpai àitàk kon, molopai epantakatàk kon tok winàpai. Molopai àli pe nai'nùk kùsappàttàu, molopai ayanùmù kon uya màlà” nùkayan Itepulu. {Isa 52.11; Ezk 20.34,41}

Galatians 3:16

Katù uya, ‘Ikupù uya,’ tetok tùuya kupùppù màlà Abraham pàk molopai ipa pàk. “Molopai ipayan yamùk pàk” te ya pùn, tùse “Molopai apa pàk” tesak ya, {Gen 12.7; Gen 13.15; Gen 24.7} tewinan neken kappon Christ pàk.

Galatians 6:8

Mùkkàlà àli pe eppai tùwettok ke nàppànyai'nùk uya màlà àli teselu winàpai wettalumattàntok yepolo, tùse mùkkàlà Akkwalù wettok iche ke nàppànyai'nùk uya màlà Akkwalù winàpai tàwàlàlà wema'nàtok yepolo.

Ephesians 4:13

Màlàpàk tamùkke tewin we'nàtok yak uyà'nàtokkonpe ailon tetok kùuya'nokon yau molopai Katù Mumu ittutok kùuya'nokon yau. Christ walai non kappon yamùk pe wenan nokon màlà, sàlà kasa iwechi màlà Christ kasa kulu usemokkan ponalà.

Colossians 3:10

Molopai àmàlà pe emennak eyeselu yeposak auya'nokon nai'nùk. Pùsàlàichi mùkkàlà emennak kappon, Katù ikonekanàippù nùkonekayai'nùk tùkasa, enettok kon pe tùuya tùttutok kulu auya'nokon yak.

Hebrews 12:10

Kappon, kùkàipùnù kon yamùk wechippù kùtalumattànnan pe tachin pe kulu pùla, wakù pe iwechi pe ittu tùuya'nokon yawàlà. Tùse Katù uya màlà talumattàn wakù pe we'nàtok kon pe, wakù pe esuken tùwettok pùkkù pe we'nàtoppe.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

2 Peter 3:13

Tùse Katù uya emennak kak molopai emennak non tùlù tùuya teppù, wakù pe we'nàtok wechi yau màlà, molopai sàlà yamùk màmuku pàk we'nà'nokon man.

2 Peter 3:9

Itepulu mùkkàlà ikupù tùuya teppù tùuya lùppù ko'mankanài tachinpe pen, tùulon kon usenumenka ipàk kasa. Tùse làkku àpàlikanài'nokon mùkkàlà molopai tùusetakkasen pen àpàkù'nokon masapùla ànù'là wettalumattà iche pùla tùwechi pàk, tùse tamù'nawolon kon welattà makui winàpai iche tùwechi pàk.

1 John 2:25

Molopai sàlàichi màlà Christ uya itùlù tùuya kùpyakù'nokon teppù lùppù, tàwàlàlà wema'nàtok.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.