2 Peter 1:3 - Patamuna New Testament Revised

³ Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 1:3 ပူးပေါင်းရင်းမြစ်များ

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

Romans 9:24

Masapùla kùmyamlo uchi mùkyamlo inkà'massan, Jew yamùk kùlottapai neken pùla, tùse nàlà Jew yamùk pen kùlottapai.

1 Corinthians 1:9

Katù, àkà'manàippù'nokon echitonpa pe ewechi kon pa tùmu Jesus Christ Kùyepulu kon pokonpe, mùkkàlà wechi màlà ailon pe.

2 Corinthians 12:9

Tùse upàk, “Wakù kuttok uya wechi màlà tamù'nawàlà àponaloppe, masapùla umeluntàlù wena màlà wakù pe kulu atu'mùla ewechi yau,” teppù ya. Màlàpàk utauchinpa kulu màlà utapulà attu'mùla wettok yau pàk, Christ meluntàlù wàlàkkattok pe upo.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

Philippians 4:8

Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

Colossians 1:16

Masapùla mùkkàlà winà Katù uya tamù'nawolon epùn pon molopai non pon konekappù màlà, tensan molopai tensan pen, akkwalù yamùk meluntàlù nàlà, itepulu yamùk, molopai apàikkek ton. Katù uya màlà tamù'nawolon konekappù iwinà molopai iponaloppe.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

1 Thessalonians 4:7

Àli yau là wema’nàtok kon pe Katù uya kùkà'ma kon pùn tùse wakù pe, esuken Katù tùnamaik we’nàtok kon pe kùkà’massak kon ya màlà.

2 Thessalonians 2:14

Àkà'mappù kon ya màlà sàlà yak, Wakù Itekale ina nekamappù yai. Àkà'mappù kon ya màlà Kùyepulu Jesus Christ yapulàtok pùkkù wettoppe àponalok kon pe.

1 Timothy 4:8

Ànù'là yenupa aitunpe utàntok pe wapùla wenkalunàtok màlà wakù molopai tepeppù kenan, tùse akkwalù yenupatok Katù wettok iche kasa màlà wakùiwa tamù'nawolon yau, masapùla wema'nàtok sàlà pe molopai ewanawolok yau tàwàlàlà wema'nàtok ke lepan tùuya tesak ya pàk.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

1 Peter 1:15

Tùse làkku emattàk kon tamù'nawolon ànkupù kon yau, Katù àkà'manàippù'nokon wechi wakù pe esuken kasa làma wakù pe.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

1 Peter 2:21

Sàlà màlà Katù uya àkà'mappù kon yak; masapùla Christ wettalumattàppù àponalok kon pe pàk iwettalumattàtok winà eusenupa kon pa molopai itta ye'mappù yawàlà àutà kon pa.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 3:9

Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

2 Peter 1:2

Tàwà wakù pe we'nàtok Katù winàpaino molopai echitonpa pe we'nàtok apyau'nokon nechii eke pe kulu, ipùkkù lùppù pe pùla tamù'nawàlà Katù molopai Jesus Kùyepulu kon ittutok auya'nokon yai.

2 Peter 1:5

Sàlà kasaichi iwechi pàk, ànùttu kon mùkuttàik kulu ailon tetok auya'nokon tonpattà kon pa wakù pe we'nàtok ke; molopai wakù pe ewettok kon pona ittunài pe we'nàtok;

2 Peter 1:6

ittunài pe ewettok kon pona eyesak kon pe ewettok kon; eyesak kon pe ewettok kon pona pàlikantok; pàlikantok auya'nokon pona wakù pe esuken Katù kasa we'nàtok;

2 Peter 1:8

Sàlà yamùk wechi ayau'nokon, molopai iwekatù yau, ewepeta kon pa àkupù kon ya màlà molopai tapulàsen pe Kùyepulu Jesus Christ tùttuik we'nàtok yau.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.