2 Peter 1:2 - Patamuna New Testament Revised

² Tàwà wakù pe we'nàtok Katù winàpaino molopai echitonpa pe we'nàtok apyau'nokon nechii eke pe kulu, ipùkkù lùppù pe pùla tamù'nawàlà Katù molopai Jesus Kùyepulu kon ittutok auya'nokon yai.

2 Peter 1:2 ပူးပေါင်းရင်းမြစ်များ

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

Romans 1:7

Màlàpàk kaleta menuka uya sàlà tamù'nawàlà apyakù'nokon Rome pon kon Katù nù'nùnma ton molopai inkà'massan esuken tùwessan pe. Tàwà Katù Kùkàipùnù kon molopai Kùyepulu kon Jesus Christ elepai'nokon wakù pe we'nàtok molopai echitonpa pe we'nàtok ke.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 1:5

Sàlà kasaichi iwechi pàk, ànùttu kon mùkuttàik kulu ailon tetok auya'nokon tonpattà kon pa wakù pe we'nàtok ke; molopai wakù pe ewettok kon pona ittunài pe we'nàtok;

2 Peter 1:8

Sàlà yamùk wechi ayau'nokon, molopai iwekatù yau, ewepeta kon pa àkupù kon ya màlà molopai tapulàsen pe Kùyepulu Jesus Christ tùttuik we'nàtok yau.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

Jude 1:2

Tàwà usentupantok, echitonpa pe we'nàtok, molopai uchi'nùnmantok nenai eke pe àponalok kon pe.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.