2 John 1:5 - Patamuna New Testament Revised

⁵ Màlàpàk eyekamappo uya sàlà, wakù kulu Nossan, uchi'nùnmanpai'nokon uchi man. Sàlà tùmenuka yai'nùk apyak màlà emennak pen suwa mettàik tetok; itesappe we'nàtokù'nokon sàlà iwepyattà motapai.

2 John 1:5 ပူးပေါင်းရင်းမြစ်များ

John 15:12

Sàlà màlà enupantok uya. Tùuchi'nùnmaik ettàk kon, u'nùn pe àkupù kon uya kasa.

John 15:17

Sàlà yamùk màlà enupantok uya, ‘Tùuchi'nùnmaik mettàik,’ tawon,” teppù Jesus uya.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

1 Thessalonians 4:9

Suwa kuluichi àtonpa kon mù'nùnmatàik tukaik emenukatok kon uya iwenai woton pùla man. Masapùla Katù uya apanamappù kon màlà yà'là kasa là tùuchi'nùnmaik ewemattok kon pàk.

Hebrews 13:1

Euchi'nùnmakon pàk lùppùichi ettàk kon echitonpa ton pe.

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

1 John 3:11

Masapùla sàlà màlà itekale enetappù kon iwepyattà motapai: “Tùuchi'nùnmaik mettàik,” tawon.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

2 John 1:1

Sàlà màlà kaleta Iulà amoko, John nùmenukappù. Wakù kulu Nossan molopai imunkà yamùk piyak imenukasak lùppù, u'nùn pe unkupù ton amyamlo. Iulà pe neken là pùla, tùse tamù'nawolon kon ailon ittunnan, mùkyamlo tù'nùn kon pe àkussatàu,