2 John 1:12 - Patamuna New Testament Revised

¹² Tukke unekama molo man àpàkù'nokon, tùse ikupù uya pen sàlà kaleta pàk; tùse akakklanpa uya pàk enpen wessaik, eyelupase Iulà pe, i'napailà tùutauchinpaik we'nàtoppe.

2 John 1:12 ပူးပေါင်းရင်းမြစ်များ

John 15:11

“Sàlà yamùk yekamappù uya àpàkù'nokon utauchinpatok wettoppe ayau'nokon, molopai autauchinpatok kon wettoppe tamù'nawàlà.

John 16:12

“Tukke lùppù àpàkù'nokon unekama molo man, tùse yanùmù auya'nokon yeselùkek pùla man sàlà pe.

John 16:24

Sàlà tepose yà'là là yekamapposak auya'nokon uyesek yai pùla man. Yekamappotàk kon, molopai yepolo auya'nokon màlà, molopai autauchinpatok kon wechi màlà tamù'nawàlà,” teppù Jesus uya tok pàk.

John 17:13

Molopai uyàssaik apyak sàlà pe, sàlà yamùk te uya sàlà wolù yau lùppù echii'ma, eke pe kulu uwinon utauchinpantok wettoppe tok yau.

John 3:29

Tùwemali'masen umoine ponalok mùkkàlà ema'non. Umoine wechi yakon wechi màlà ipyau yeta pàk, molopai itauchinpa tùwechi yakon maimu yeta tùuya yau. Màlàpàk utauchinpayaik eke pe tùwemali'masen wechi yakon utauchinpa kasa.

Romans 15:24

Màlàpàk “sàlà pe'ne eyene kon uya” te uya sàlà Spain pona utà yau. Akakklanpasak kon uya malalà tùpo, wepùikattàtok yepolo uya ewinàpai'nokon pàk enpen wessaik utàtoppe màlà pata motak,

2 Timothy 1:4

Eusenwankono'ma yenu palu wekkwamù yeneppù uya tùttuse eyenpai kulu wessaik, utauchinpa toppe kulu.

Philemon 1:22

Màlà kupùi'ma, upatassek woton ikonekakà, masapùla Katù uya tùpawanattàtok auya'nokon yeiku pe tùttuyaik unnapo ya apyakù'nokon pe.

Hebrews 13:19

Màlàpàk apawanattàyatàu kulu Iulà àwàpùlema kon pa, uyeunottukka toppe apyakù'nokon asse'neiwa kulu.

Hebrews 13:23

Kùtonpa kon Timothy yenpakkasak patikichi tapai ittu auya'nokon iche wessaik. Asse'neiwa iyàssak yau, ipokonpe uyàpù màlà eyense'nokon.

1 John 1:4

Ina uya sàlà menuka sàlà utauchinpantok wettoppe tamù'nawàlà.

3 John 1:10

Uyàssak yau nen uchi, màlà tamù'nawolon àli pe ichelupappù kùwinàkài'nokon yekama uya ipàk: tamù'nawolon kasei pe ichelupappù yekama uya màlà. Tùse màlà neken pen, ailon tawonnan Katù pàk tonpa wannà yamùk yanùmù ya pùla iwechi màlà tok uyàssak yau, molopai nàlà mùkyamlo ananùnpai nokon yeleutanùpù ya. Tok yenpakkaiche tùwessen mùkkàlà sochi tapai.