2 Corinthians 9:14 - Patamuna New Testament Revised

¹⁴ Màlàpàk tok nàpùlemayan àpona'nokon tùwakùli kon pe kulu ewechi kon pàk, masapùla eke wakù pe we'nàtok Katù nùtùlùpù ayau'nokon tùwessen pàk.

2 Corinthians 9:14 ပူးပေါင်းရင်းမြစ်များ

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Romans 1:11

Masapùla eyenpai'nokon kulu wessaik wakù Katù winàpaino pùlemantok ke elepatok kon pe uya Katù Yakkwalù yai meluntà pe ewena kon pa.

2 Corinthians 1:11

Àwàpùlema kon winà nàlà ina ipùikattàtàk kon. Màlà kasaichi iwechi màlà àwàpùlematok kon ina pona useiku molopai Katù uya ina pùlema màlà, tukkan kon uya tenki te toppe ina pàkànsau.

2 Corinthians 8:1

Ittu auya'nokon iche ina man, ina tonpa yamùk, wakù pe we'nàtok Katù nùkupùppù Macedonia pon sochi yamùk ponaloppe.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

2 Corinthians 9:15

Tenki te pai'nokon man Katù pàk yekama yentaino lepantok ya pàk.

Philippians 1:8

Katù mùkkàlà ittunài wa te uya wechi ailon pe, eke pe kulu tamù'nawàlà à'nùnmatok kon uya tùuyàssen Christ Jesus winàpai te uya yau.

Philippians 2:26

Eyenpai'nokon kulu man tamù'nawàlà molopai ichewankono'masak man e'neppe tùwechi yekale yetasak auya'nokon pàk.

Philippians 4:1

Màlàpàk nen uchi utonpa yamùk, u'nùn pe kulu messatàik. Molopai eyenpai'nokon wessaik, masapùla utauchinpatok pe ewechi kon màlà, utapulàtok iwinà pe. Uwechi yakon non, ailon pe ettàk kon Itepulu pàk.

1 Timothy 1:14

Kùyepulu kon wessak wakù pe man upàk, upùlemasak ya man eke pe kulu ailon tetok molopai uchi'nùnmantok Christ Jesus yau nai'nùk ke.