12 Sàlà yamùk ànkupù kon uya neken là Katù ponalok kon pùikattàsak pen màlà. Tùse tukkan kon uya nàlà màlà tenki te Katù pàk.
Àwàpùlema kon winà nàlà ina ipùikattàtàk kon. Màlà kasaichi iwechi màlà àwàpùlematok kon ina pona useiku molopai Katù uya ina pùlema màlà, tukkan kon uya tenki te toppe ina pàkànsau.
Tukkan Christ talumattàtok pùkkù pe ina wechi kasa làma, Christ yai nàlà ina yewan ipik wechi màlà tukke.
Tok uya ina pawanattàppù lepantok tùuya'nokon yanùntoppe ina uya Katù ponalok kon pùikattàtok yattai yesappe tùwettok kon pe.
Emenukatok kon uya ipàkànsau pùla man, Katù ponalok kon pùikattàtok pàk.
Kùtonpa kon, Epaphroditus yeunoko uya kulu apyakù'nokon pàk usenumenkasak man. Iwe'wotokomasak lùppù ukaichalà molopai iwepanta'masak lùppù upyau, amaimu yekamanài nàlà eneunokoppù lùppù upùikattàtoppe ya.
Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?