2 Corinthians 8:4 - Patamuna New Testament Revised

⁴ Tok uya ina pawanattàppù lepantok tùuya'nokon yanùntoppe ina uya Katù ponalok kon pùikattàtok yattai yesappe tùwettok kon pe.

2 Corinthians 8:4 ပူးပေါင်းရင်းမြစ်များ

Matthew 10:42

Ànù'là elekkwà uya'lon kon tonpa woppanàippù i'nàkenan tuna ke tewin nùkkwà là kon, masapùla uya'lon pe iwechi pàk, ailon kulu sàlà mùkkàlà uya tepeppù yepolo màlà,” teppù Jesus uya.

Matthew 12:50

Masapùla Ukàipùnù wettok ikupù tùuya iche ku'nài mùkkàlà uyakon, uwàlichi, molopai usan,” teppù Jesus uya.

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Mark 14:7

Masapùla apyau'nokon entuppa'nokon wechi màlà tàwàlàlà. Molopai yà'là yattai là mùkyamlo yekkwa ànpùikattàpai ewechi kon yau ikupù auya'nokon màlà. Tùse tàwàlàlà apyau'nokon wechi pen màlà.

Yeunossak kon Wotokoyi 11:29

Jesus ya'lon wekkupùppù tamù'nawolon kon uya lepantok yeunoko pàk, yeunottok tùuya'nokon yawàlà lùkkwà là tùtonpa kon Judea po tùwemassan pùikattànài pe.

Yeunossak kon Wotokoyi 16:15

Mùkkàlà molopai itùwùk tawon kon usenpataukappù. Màlà tùpo ina kà'mappù ya tùwùk tak: “Àittàk kon talà esse uyùwùk tau, ailon tawon pe wechi ittusak auya'nokon yau,” tukaik. Ina yeka'nonkappù ya molopai ina utàppù.

Yeunossak kon Wotokoyi 24:17

“Tukke kilichimochi Jerusalem po pùla wemappàtù tùpo, utàppù màlà motak pùlayatta yalàppù uya entuppa'nokon ponaloppe molopai untùlù tùse Katù ponaloppe.

Romans 15:31

Màpùlematàik uyesappe Katù wettoppe ailon tawonnan pen Judea pon kon winàpai, molopai we'wotokomatok Jerusalem po wettoppe auchinpanà pe molonkonnà Katù ponalok kon kappon yamùk pona.

1 Corinthians 16:1

Masa uchi pùlayatta Katù ponalok kon kappon yamùk pùikattàtoppe tanùnsen pàk uselupai'che. Unekamappù Galatia pon sochi yamùk pàk ikuttàk kon.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

2 Corinthians 9:1

Emenukatok kon uya ipàkànsau pùla man, Katù ponalok kon pùikattàtok pàk.

Galatians 2:10

Entuppa'nokon puttàka'nùpù ina uya tukaik neken tok uya ina yekamappoppù, màlà kulu ànkuppai wechippù.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.