2 Corinthians 7:8 - Patamuna New Testament Revised

⁸ Masapùla ukaletayi uya là eyewankono'masak kon tùse, usewankono'ma pùla man imenukasak uya pàk. Wapiya là usewankono'masak tùse ukaletayi uya eyewankono'mappù kon, tùse tachinpe kulu pùla lùkkwà neken nà.

2 Corinthians 7:8 ပူးပေါင်းရင်းမြစ်များ

John 16:6

Mesewankono'mayatàik kulu masapùla sàlà yamùk yekamasak uya àpàkù'nokon pàk.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

2 Corinthians 7:11

Yentàk kon, Katù winàpaino usewankono'mantok uya ayau'nokon àkussak kon. Àli pe pùla ewechi enenpoikapai kulu ewechippù kon. Eusewankono'mappù kon molopai ewessakalopappù kon. Alikyeppe ewechippù kon mùkkàlà àli ku'nàippù talumattà pàk. Eusekamasak kon man yà'làlà iwalai pen pùla ewechi kon sàlà yau.

2 Corinthians 7:12

Emenukappù kon uya là man, tùse ànù'là iwalai pen ku'nàippù pàkànsau là pùla wapùla iwalai pen pàkànsau nettalumattàyai'nùk pàk pùla. Tùse làkku Katù yemlotopo eyiwalà'nokon yene kon pa ina pùnùnmatok auya'nokon.

2 Corinthians 7:6

Tùse Katù tùusewankono'masan yewan ipittànài, ina yewan ipittàtai Titus uyàttok winà.

2 Corinthians 7:7

Iyàttok winà neken pùla là, tùse itewan ipittàppù nàlà auya'nokon winà. Ina pàk yekamappù ya uyenpai kulu ewechi kon, molopai i'napailà eusewankono'ma kon. Molopai ewekonekasak kon uwenai ewechi kon pàk utauchinpatok wettoppe eke pe lùiwa.

2 Corinthians 7:9

Tùse sàlà pe utauchinpayaik eyewankono'masak kon uya pàk pùla, tùse eusewankono'matok kon uya eyeselu kon mùyakanmasak pàk Katù wettok iche kasa. Màlàpàk uchi yà'là kasa là ina winà ewettalumattàsak kon kulu pùla iwechi màlà.

Revelation 3:19

Tamù'nawolon kon u'nùn pe unkupù yekamapponài Iulà molopai tok talumattànài nàlà. Amayintakà molopai amakuyi winàpai elattàkà.