2 Corinthians 7:11 - Patamuna New Testament Revised

¹¹ Yentàk kon, Katù winàpaino usewankono'mantok uya ayau'nokon àkussak kon. Àli pe pùla ewechi enenpoikapai kulu ewechippù kon. Eusewankono'mappù kon molopai ewessakalopappù kon. Alikyeppe ewechippù kon mùkkàlà àli ku'nàippù talumattà pàk. Eusekamasak kon man yà'làlà iwalai pen pùla ewechi kon sàlà yau.

2 Corinthians 7:11 ပူးပေါင်းရင်းမြစ်များ

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

John 2:17

Inenupa ton uya ittuppù Katù Maimu we'menukasak uya, “Àyùwùk pùnùnmatok uya eke pe man,” teppù lùppù.

Yeunossak kon Wotokoyi 17:16

Silas molopai Timothy tawonnan màmuku pàk tùwechi Athens po yau, Paul usewankono'mappù màlà tùulon kon katù yamùk pe tukaik ikonekasak kon ke pata wanùssak yene tùuya pàk.

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

Romans 3:5

Tùse àli pe we'nàtok uya Katù wechi wakù pe kulu yenpoika yau, yà'là te ken kùuya'nokon? Katù uya talumattàn yau ka' iwalai pen mùkkàlà te lù? (Uselupayaik talà kappon usenumenkatok kasa.)

1 Corinthians 12:25

Iwepantapàssappe pùla esak wettoppe, tùse tùwemainanpaik tùwessan pe màlà yamùk wettoppe echipùkkù pe.

1 Corinthians 5:13

Katù uya nen màlà sochi tawon kon pen talumattà. “Àli kappon yenpakkatàk àkklottapai'nokon”te Katù Maimu uya kasa. {Deu17.7; Deu 19.19; Deu 21.21; Deu 22.21; Deu24.7}

1 Corinthians 5:2

Itepalan pe mekkussatàik! Eusewankono'ma kon pùlan pe'nai? Tàwà mùkkàlà, màlà yekkwa ku'nàippù yenpakka nechii àkklottapai'nokon.

2 Corinthians 13:7

Ina nàpùlemayan Katù pàk àli kupù auya'nokon tukaik. Iwalai kupù auya'nokon wakù pe ina we'wotokomasak yekama toppe neken auya'nokon iche pùla ina man. Tùse iwalai kupù auya'nokon iche ina man ina uya ikupù pùla kasa là iwessak tùse.

2 Corinthians 2:6

Eichilà man pùsàlà kappon talumattàppù tamù'nawolon kon lùiwa lànen amyamlo winà.

2 Corinthians 6:4

Tùse làkku tamù'nawolon ina nùkupù yau Katù yapyoto ton pe ina wechi yenpoikannan ina, talumattàntok yau, sa'man ton yau, molopai utaimelunpantok pàlikatok yau.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

2 Corinthians 7:7

Iyàttok winà neken pùla là, tùse itewan ipittàppù nàlà auya'nokon winà. Ina pàk yekamappù ya uyenpai kulu ewechi kon, molopai i'napailà eusewankono'ma kon. Molopai ewekonekasak kon uwenai ewechi kon pàk utauchinpatok wettoppe eke pe lùiwa.

2 Corinthians 7:9

Tùse sàlà pe utauchinpayaik eyewankono'masak kon uya pàk pùla, tùse eusewankono'matok kon uya eyeselu kon mùyakanmasak pàk Katù wettok iche kasa. Màlàpàk uchi yà'là kasa là ina winà ewettalumattàsak kon kulu pùla iwechi màlà.

2 Corinthians 9:2

Tùttuyaik alikyeppe ewechi kon pùikappe ewettok kon pàk. Molopai ayapulàsak kon uya man Macedonia pon kon pàk. Tok pàk yekamappù uya, nùtàtainùk kilichimochi yau amyamlo Achaia pon kon weppyattàppù ewe'lepa kon pàk molopai alikyeppe ewettok kon uya tukkan kon tok tonpa yamùk yewan yapàssak man.

Ephesians 4:26

Tùwemakuimaik ke'naikatàu. Molopai tùwe'naikase kasapontàtàu.

Ephesians 5:11

Àli ku'nài nan kappon yamùk pùkkù pe kettàu, màlà yamùk ewalupà ponalok kon. Tùse làkku pùsamlo pàk ikasa pùla tok wechi yekamatàk kon.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

1 Thessalonians 4:6

Màlàpàk uchi ànù' là iwalai pen nà kuttak tùtonpa kon winàkàik, wapùla wakù pe là iwemattok mattanùttak. Sàlà yekamappù ku ina uya àpàkù'nokon, ina eyekamappotantàu tùuseka’nonkaik, Itepulu Jesus uya màlà yekkwa ton àli ku’nàinannùssan talumattà màlà.

1 Timothy 5:20

Tùse àli ku'nài nan nùssan yàulàmakà molopai tok yekamappokà kappon yamùk yemloto po, amak yai pùla, tok tonpa yamùk yenu yappolù pe.

2 Timothy 2:15

Tamù'nawolon ànùttu ikukkà tamù'nawàlà auchinpantok Katù yenu yau yepolo pa, tùwe'wotokomasen tùwekuli'masen pen tùwotokoyi pàk kasa, mùkkàlà ailon Katù Maimu pàk enupanài ikasa kulu.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

Hebrews 4:1

Màlàpàk uchi wàlàkka'nà patassek yak wewonnàtoppe Katù nekamappù lùppù, walùppù man. Usenalipanpai'nokon uchi, ànù'là àkklottawon kon nàmà kùye'mappù tau tukaik.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 1:17

“Ina Kàipùnù” tawonnan pe ewechi kon, tamù'nawolon kon kappon yamùk pàk, “suwa messaik” tawon, tok nùkupùppù yawàlà ekkaichalà pàk; uchi emattàk kon talà sàlà non po inamatok molopai yapulàtok auya'nokon yau.

1 Peter 2:2

Entusan mule yamùk, manak iche tùwe'nakklipasan tàwàlà, màlà kasa wakù esukenan manak kappon winàpaino pen iche ettàk kon tàwàlà meluntà pe ewena kon pa iwinà molopai ewepùikattà kon pa.

Jude 1:23

Tùulon kon ipùikattàtàk asse'ne apok yapai tok mokka auya'nokon ke. Molopai nàlà tùulon kon pàk esentuppatàk kon nalik pe echii'ma, tùse mei mettàik tok yeselu winàpai màlà tok wemattok yoi'manàippù, tok pon nà kusappàttàu eyewanma kon pe mùkuttàik.

Revelation 3:19

Tamù'nawolon kon u'nùn pe unkupù yekamapponài Iulà molopai tok talumattànài nàlà. Amayintakà molopai amakuyi winàpai elattàkà.