2 Corinthians 6:7 - Patamuna New Testament Revised

⁷ ailon pe uselupantok yau, molopai Katù yapàikketù yau. Wakù pe we'nàtok yau wepanta'mantok ike yesappe kamik pen mùyak yau, molopai kamik mùyak yau iwapu.

2 Corinthians 6:7 ပူးပေါင်းရင်းမြစ်များ

Mark 16:20

Màlàyau inenupa ton nùssan utàppù Itekale yekamaik mailàlà. Molopai Itepulu Katù we'wotokomappù tok pokonpe. Molopai tok nekamappù lùppù yenpoikappù ya ailon pe iwechi yentok ipàkàlà pe tok yapàikketù yau. [

Yeunossak kon Wotokoyi 11:21

Itepulu yapàikketù wechippù tok ya'là, molopai tukke kappon yamùk uya ailon teppù molopai tok welattàppù Itepulu Jesus winàkàik.

1 Corinthians 1:24

tùse mùkyamlo Katù nùkà'massan pona, asakklàma Ichu yamùk molopai Greek yamùk pona, Christ wechi Katù meluntàlù pe molopai ipukketù pe.

2 Corinthians 13:4

Masapùla iwànàppù màlà pulusuk po atu'mùla iwettok yau, tùse tùwemapù pàk iwechi màlà Katù meluntàlù winà. Màlà kasa làma atu'mùla ina wechi Christ yau tùse, Katù meluntàlù winà ina wemapù màlà ipokonpe àpùikattà kon ina uya yau.

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Corinthians 7:14

Ayapulàppù kon uya ipàk, molopai ukuli'masak auya'nokon pùla man. Tamù'nawàlà ina nekamatainùk àpàkù'nokon kasa iwechi màlà ailon pe. Màlà kasaichi ayapulàtok kon ina uya Titus pàk uya ailon pe iwechi yenpoikasak nàlà màlà.

Ephesians 1:13

Molopai amyamlo nàlà uya ailon teppù màlà Christ pàk: ailon itekale yetasak auya'nokon yau, Wakù Itekale wepùikattàntok ne'nàippù apyakù'nokon, molopai Katù uya tùponaloppe ewechi kon yentok ipàkàlà tùlùppù màlà àpàkù'nokon Wakù Akkwalù tùlù tùuya apyakù'nokon winà, itùlù tùuya teppù lùppù tùuya.

Ephesians 3:20

Katù yapulàpai'nokon uchi, eke pe kulu yennatok kùuya'nokon yentai yà'làlà ke lepanài, wapùla usenumenkatok kon yentai iku'nài tùmeluntàlù ne'wotokomayai'nùk kùyau winà.

Ephesians 4:21

Yetappù auya'nokon molopai ya'lon kon pe eyenupappù kon ailon pàk Jesus yau nai'nùk pàk.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

1 Thessalonians 5:8

Tùse weinai nokon nen kùmyamlo molopai tùttuik, ikasa usenumenkantok yesappe tùwessan yek kùmyamlo. Ailon tetok molopai uchi'nùnmantok yapulàpai'nokon uchi kùplopo kon wapu pe, molopai kùppai kon wapu pe wepùikattàntok pàk enpen we'nàtok kon itùpai'nokon.

2 Timothy 2:15

Tamù'nawolon ànùttu ikukkà tamù'nawàlà auchinpantok Katù yenu yau yepolo pa, tùwe'wotokomasen tùwekuli'masen pen tùwotokoyi pàk kasa, mùkkàlà ailon Katù Maimu pàk enupanài ikasa kulu.

2 Timothy 4:7

Unùttu kussak uya man aitun pe utàntok yau, utàsak man tenuka'nùsse, ailon tetok uya kussak uya man.

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.