2 Corinthians 6:6 - Patamuna New Testament Revised

⁶ Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

2 Corinthians 6:6 ပူးပေါင်းရင်းမြစ်များ

Romans 12:9

Tàwà ailon pe kulu euchi'nùnmatok kon nechii, àli pe nai'nùk eyewanma kon pe, wakù pe nai'nùk kupù pàk ettàk kon.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

1 Corinthians 12:8

Tewinannà piyak pukkeppe we'nà yekale tùlù màlà Akkwalù yai, tùulon yemyak ittutok yekale mùkkàlà lùppù Akkwalù winà,

1 Corinthians 13:4

Uchi'nùnmantok màlà pàlikanài, molopai tùusentuppasen. Tùkùlùmàlunsen pen màlà wapùla ànù'là yentai tùwekkussen pen wapùla tùutapulàsen pen.

1 Corinthians 2:16

“Masapùla ànùk ken Itepulu usenumenkatok ittuka'nài, suwa ekkà tetoppe tùuya ipàk.” {Isa 40.13} Tùse Christ usenumekatok yesappe we'nà'nokon man.

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

2 Corinthians 1:23

Katù tekamappoyaik uyekamanài pe, uyewan ittunài mùkkàlà. Usentuppa àpàkù'nokon pàk “Corinth pona utà pen” teppù uya.

2 Corinthians 11:11

Yà'là pe ken uchi iwechi pàk wa te uya sàlà? À'nùnma kon uya pùla ka' iwechi pàk lù? Katù nùttuyan à'nùnma kon uya.

2 Corinthians 11:4

Masapùla ànù'là uyàppù apyakù'nokon molopai tùpatalon Jesus yekale ina nekamappù walai pen yekama tok uya yau, wapùla tùpatalon akkwalù enepoloppù kon walai pen yepolo auya'nokon, wapùla tùpatalon Itekale ananùmùppù kon lùppù walai pen yannùmù auya'nokon yau, sa'man pe pùla yak mettùyatàik.

2 Corinthians 11:6

Iichenupasak pe là wechi uselupatok pe tukkan kon yemlotopo, tùse ittutok uya yesappe wessaik. Tàmù'nawolon yau wakù pe kulu yekamasak ina uya man àpàkù'nokon.

2 Corinthians 12:15

Utauchinpa kulu nen màlà tamù'nawolon itesak pe wettok yapulà uya àponalok kon pe pak molopai uyapulà uya pàk nàlà àpùikattàtok kon pe uya. Malalà neken ken na' u'nùnma auya'nokon màlà à'nùnma kon uya eke pe pàk?

2 Corinthians 13:10

Màlà pàkànsau sàlà yamùk menuka uya sàlà apyau'nokon pùla echiima, miyalà uyàssak yau àsà pe usàulàma tukaik. Itepulu yapàikketù intùlùppù upyak anapulàpai wessaik meluntà pe ama tok kon pe uya, atalumattàtok kon pe pùla.

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

2 Corinthians 2:4

Emenukappù kon uya eke pe kulu tùusewankono'mase molopai eme'neppe itewan, molopai eke pe itenu palu echii'ma, eyewankono'manài'nokon pe pùla, tùse eke pe tamù'nawàlà à'nùnma kon uya ittu kon pa.

2 Corinthians 3:3

Yenpoikasak auya'nokon man kaleta Christ winàpaino pe ewechi kon, ina wotokoyi yepeppù pe. Imenukappù màlà kaleta menukatok palu ke pùla molopai tàk pàk pùla, tùse kappon yewan yamùk pàk Wakù Akkwalù tàwàlà tùwemassen Katù winàpaino ke.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

2 Corinthians 7:2

Eyewan kon yau ina i'nùnmatàk kon. Iwalai pen là kussak ina uya pùlà man. Ànù'là mattanùssak ina uya pùla man, wa pùla ànù'là yenkuttà ina uya pùn.

Galatians 3:2

Sàlà tewinannà ànùttupai wessaik ewinàpai'nokon. Wakù Akkwalùichi mepotantàu law yawàlà ewechi kon winà, wapùla ka' Itekale yeta molopai ailon te auya'nokon winà lù?

Galatians 3:5

Katù na' mùkkàlà elepanài'nokon Takkwalù ke molopai eke ton tensan yekkwa pen ku'nài àkklottau'nokon. Masapùla law yawàlà ewechi kon pàk, wa pùla ka' Itekale yetasak auya'nokon pàk ailon tesak auya'nolon pàk lù?

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 3:4

Molopai unmenukappù yene auya'nokon yau Christ yekale tùttusen pe pùla nai'nùk ittu auya'nokon màlà.

Ephesians 4:2

Àssà'mùla ettàk kon, àsà pe pùla, molopai pàlikanài pe tàwàlà. Pùnùnmantok auya'nokon yenpoikatàk kon àtonpa kon yeselu pàlika auya'nokon winà.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

1 Thessalonians 2:10

Amyamlo mùkyamlo ina yennài nan nùssan molopai Katù nàlà mùkkàlà ina yennài, ina yeselu molopai ina welaikatok wechi wakù pe esuken molopai ikasa, amyamlo ailon tawonnan winàkàik molopai yà'là là iwalai pen woton pùla nettai.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

1 Timothy 5:2

nossan yamùk, koko yamùk, asanon kasa, molopai ema'nomichi àwàlichi ton kasa, tùwanmùla.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Titus 2:7

Àmàlà nàlà, tamù'nawolon yau wakù pe yentok ipàkàlà pe ekkà wakù yà'làlà wotoko yau. Ailon pe ekkà molopai tùumayintaik enupantok auya yau, eusennaka pe pùla.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.