2 Corinthians 6:5 - Patamuna New Testament Revised

⁵ Ippopà'nàtok yau, patikichi tau we'nàtok yau, molopai kappon yamùk we'naikasak yenpatau, sa'man wotoko yau, we'nùnnà pùla we'nàtok yau molopai wapàkka'nàtok yau.

2 Corinthians 6:5 ပူးပေါင်းရင်းမြစ်များ

Matthew 14:10

Màlàpàk nen uchi John ippai yattà woton yapyontàppù ya patikichi tau.

Matthew 14:3

Màlà wapiya Herod uselupappù màlà John yachitoppe molopai yaulonpàttoppe, molopai patikichi tak itùtoppe. Sàlà kupùppù ya màlà Herodias takon Philip noppù wenai.

Matthew 9:15

Jesus uya yeikuppù, “Tùwemali'masan nùkà'massan uta'lettàtok wechi ken na' pokoi pe ema'non tayappù woton wechi molo tùpyau'nokon tùse pe mekamayataù? Kane! Tùse pata weyu uyàpù màlà tok winàpai tùwemali'masen kàyik mokkatok yattai, molopai nen uchi tok wechi màlà tùuta'lettàik pùla.

Yeunossak kon Wotokoyi 13:3

Tùuta'lettàik pùla tùwàpùlema kon tùpo, tok uya temyatù kon nonkappù Barnabas molopai Saul tawonnan pona molopai tok yeunokoppù tok uya.

Yeunossak kon Wotokoyi 14:19

Màlà tùpo tùulon kon Jew yamùk uyàpùppù Antioch Pisidia pon poi molopai Iconium poi; molopai tok uya tukkan kon kappon yamùk lattàppù tùwinàkài'nokon, Paul wànàppù tok uya tàk ke molopai tok uya iwolokappù màlà pata poi iwelichak pe tekamaik.

Yeunossak kon Wotokoyi 14:23

Molo sochi yamùk tawon kon kùlottapai tok uya sochi yennàinan woton kon yanùmùppù tewinpàk. Wàpùlemantok tùuta'lettàik pùla yai tok uya tok tùlùppù Itepulu yemyak ailon tetok tùuya'nokon ipàk yemyak.

Yeunossak kon Wotokoyi 17:5

Tùse Jew yamùk kùlùmàluppù molopai àli ton kappon yamùk pilipùppù tok uya asantapai. Tok uya kappon yamùk yaimelunpappù molopai tok utàppù Jason yùwùk tak asse'ne Paul molopai Silas tawonnan iwase, tok nettoppe tùuya'nokon kappon yamùk piyak.

Yeunossak kon Wotokoyi 20:31

Enpen uchi ettàk kon, molopai ittutàk kon eke pe uyenu palu pokonpe, weinai molopai ewalupàttawàlà, tamù'nawàlà tewinpàk eyenupatantàu Iulà àsolùwau kilichimochi.

Yeunossak kon Wotokoyi 23:10

Usàulàmantok wenappù màlà àsà pe. Molopai Eke Achin nan yepulu usenalipappù màlà Paul kalapàtù tok uya yeselùkek iwechi pàk. Màlàpàk soicha yamùk kupùppù ya tok utàtoppe tok kùlottak Paul yense molopai yatoppe tùuya'nokon soicha yamùk yùwuk tak.

Yeunossak kon Wotokoyi 23:35

“Eyeta uya màlà ewinàkàik tùuselupasan welepansak yau,” teppù Kopùna uya. Màlàyau Herod patassek yau Paul wettoppe tennài ke ikupùppù ya.

Yeunossak kon Wotokoyi 24:27

Asa'là kilichimochi tùpo, Porcius Festus uya Felix patassek yanùmùppù. Kopùna pe iwenappù. Felix wechippù tùwakùli kon pe Jew yamùk uya tùkupù iche. Màlàpàk Paul yempakkappù ya pen patikichi tapai.

Yeunossak kon Wotokoyi 26:10

Màlà kupùppù uya màlà Jerusalem po. Ewaik tetok yepoloppù uya màlà eke ton paatele yamùk winàpai. Molopai kappon yamùk Katù ponalok kon tùlùppù uya patikichi tak. Molopai tok welittok pe tok kussak yau, ewaik teppù uya.

Yeunossak kon Wotokoyi 26:29

“Tachin pe wapùla tachin pe pùla iwechi yau, wàpùlematok wechi màlà Katù pàk, àmàlà molopai tamù'nawolon kon uyetayai'nannùk sàlà pe wena toppe ukasa, tùse yachisak pe pùla,” tukaik Paul uya imaimu yeikuppù.

Yeunossak kon Wotokoyi 28:30

Asa'là kilichimochi Paul uko'mamùppù màlà pata yau tùne'mappù tùwemattoppe itau tau, molopai tamù'nawolon kon tense iyàssak kon yanùmùppù ya molo.

Yeunossak kon Wotokoyi 5:18

Tok uya yeunossak kon yachippù molopai tok uya tok tùlùppù ayupo patikichi tak.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

1 Corinthians 4:11

Sàlà wei tepose ina iwan pe man molopai ina ne'nakklipayan. Pon poipà yau ina man. Ina ippoppàssak man. Ipatassek pùla ina man.

1 Corinthians 7:5

Ke'nulunpatàu uchi, tùse “Masa ka' tàwà we'nà lù malalà wàpùlemantoppe,” te neken nà. Molopai lànen uchi ànkupù kon kupù kon pa Settan uya ittuntok yak ewettùlù kon tukaik, ipàlikatok auya'nokon pàk.

2 Corinthians 11:27

We'wotokomassak màlà sa'man pe molopai usetakkasak. We'nùmù pùla wechippù echipalà. Wapàkkassak wechippù màlà molopai we'naklipasak. Iteipa pùla wessak màlà echipalà, ikope molopai ipon pùla wechippù.

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Philippians 1:13

Màlàpàk tamù'nawolon kon itepulu yelasu ton molopai tamù'nawolon kon talonkonnà Christ yapyoto pe wechi pàk patikichi tau wechi ittuyan.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Hebrews 11:36

Tùulon kon mottùnpappù màlà molopai tok ippoppàtùppù. Molopai tùulon kon yaulonpàtùppù molopai tok tùlùppù patikichi tak.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 13:23

Kùtonpa kon Timothy yenpakkasak patikichi tapai ittu auya'nokon iche wessaik. Asse'neiwa iyàssak yau, ipokonpe uyàpù màlà eyense'nokon.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.