2 Corinthians 6:4 - Patamuna New Testament Revised

⁴ Tùse làkku tamù'nawolon ina nùkupù yau Katù yapyoto ton pe ina wechi yenpoikannan ina, talumattàntok yau, sa'man ton yau, molopai utaimelunpantok pàlikatok yau.

2 Corinthians 6:4 ပူးပေါင်းရင်းမြစ်များ

Luke 21:19

Meluntà pe ettàk kon, masapùla sàlà kasa ewepùikattà kon màlà, ” teppù Jesus uya.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Yeunossak kon Wotokoyi 20:34

Amyamlo nùttuyan we'wotokomappù sà yamùk uyemyatù ke, molopai tamù'nawàlà iche kulu wettok molopai upyawon kon wettok iche yepotoppe uya.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

Romans 16:10

“Wakù pe na' messan?”te uya Apelles pàk, ailon pe iwettok Jesus pàk ittusak lùppù. “Wakù pe na' messatàu?” ukayaik Aristobulus tonpa yamùk, itùwuùk tau nai'nannùk pàk.

Romans 3:5

Tùse àli pe we'nàtok uya Katù wechi wakù pe kulu yenpoika yau, yà'là te ken kùuya'nokon? Katù uya talumattàn yau ka' iwalai pen mùkkàlà te lù? (Uselupayaik talà kappon usenumenkatok kasa.)

Romans 5:8

Tùse Katù uya eke pe kulu kù'nùnmatok tùuya yekamappù màlà. Makui yau lùppù we'nà'nokon tùse Christ welikùppù màlà kùponalok kon pe.

1 Corinthians 3:5

Ànùk ken uchi mùkkàlà Apollos? Molopai ànùk ken mùkkàlà Paul? Katù yapyoto ton neken nen mùkyamlo, ene'nàippù kon iwinàkàik ailon te kon pa. Itepulu nùtùlùssan mùkyamlo iponalà iwotokoyi.

1 Corinthians 4:1

Màlàpàk uchi, ina yene kappon yamùk uya màlà Christ yapyoto ton pe, molopai Katù nùwotokoyittàssan, tùttusen pen ailon yenpoikannan pe ikussak kon pe.

1 Corinthians 9:11

Katù winàpaino wakù pànsak ina uya àkklottau'nokon yau yà'làlà mamin yeponnan yeppe pùla na' ina wechi nai'nùk ewinàpai'nokon?

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 11:27

We'wotokomassak màlà sa'man pe molopai usetakkasak. We'nùmù pùla wechippù echipalà. Wapàkkassak wechippù màlà molopai we'naklipasak. Iteipa pùla wessak màlà echipalà, ikope molopai ipon pùla wechippù.

2 Corinthians 11:9

Apyau'nokon wechi yattai molopai yà'làlà iche wechi yau ayaimelunpa kon uya pùn. Masapùla ailon tawonnan Macedonia pon kon uya tamù'nawolon iche wettok nepùppù màlà upyak. Pena iwechippù kasa ewanawà iwechi màlà, ayaimelunpa kon uya pen.

2 Corinthians 12:10

Màlà kasa iwechi pàk Christ pàkànsau utauchinpasak man attu'mùla we'nàtok yau pàk, àli pe uselupantok yau, sa'man ton yau, talumattàntok kon yau molopai àsà ton yau. Masapùla attu'mùla wechi yau, meluntà pe nen uchi wechi màlà.

2 Corinthians 12:12

Ailon pe yeunossak pe wechi yekamanài kupùppù uya màlà àkklotau'nokon tamù'nawàlà pàlikantok ke. Tensen yekkwa ton pen yamùk, enumenkannan molopai enalippannan yamùk, molopai eke ton Katù yapàikketù yekamannan yamùk.

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Corinthians 4:8

Ina yelenmlussak là man sa'man pe sà winà'ne, tùse ina yamoklosak pùla man. Ina yaimelunpa là tùse ina we'nonka pen.

2 Corinthians 7:11

Yentàk kon, Katù winàpaino usewankono'mantok uya ayau'nokon àkussak kon. Àli pe pùla ewechi enenpoikapai kulu ewechippù kon. Eusewankono'mappù kon molopai ewessakalopappù kon. Alikyeppe ewechippù kon mùkkàlà àli ku'nàippù talumattà pàk. Eusekamasak kon man yà'làlà iwalai pen pùla ewechi kon sàlà yau.

Colossians 1:11

Imeluntàlùttàsappe tamù'nawolon itapàikketù ke, wakù imeluntalù yawàlà yà'làlà yentaika kon pa molopai ipàlika kon pa molopai tùutauchinpaik ewechi kon pa.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

1 Thessalonians 3:7

Màlàpàk tamù'nawàlà ina wettalumattàtok yau ina umeluntàtasak man wakù pe eyekale kon tetase, ina tonpa yamùk. Ailon tetok auya'nokon màlà ina yauchinpanài ina yewan meluntàpanài.

1 Thessalonians 5:14

Ina apawanattàyatàu ina tonpa yamùk,s tùwe'wotokomasan pen yekamappo kon pa, kuli'nau tùwessan meluntàtanùppù kon pa, attu'mùnon pùikattà kon pa, molopai tamù'nawolon kon kappon yamùk kùlottau ewemapù kon pa, tok pàk tùusetakkaik pùla.

1 Timothy 2:15

Tùse ulichan wepùikattà màlà tùumunkàta yai, ailon tetok, uchi'nùnmantok, esuken we'nàtok molopai tùttuik wema'nàtok, wakù pe tipippà tùwaputtàik tùwepontàsen pe tùwechi yau tàwàlà.

1 Timothy 4:6

Sàlà yamùk usenupantok iwinà yekamasak auya ailon tawonnan pàk yau, wakù pe Jesus yapyoto pe tùwessen pe ewechi màlà, ailon itekale yau yemokkasak pe molopai wakù enupantok yawàlà iwessak pe.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

2 Timothy 2:24

Itepulu yapyoto sakoloppe kùsettak. Tàwà wakù pe nechii tamù'nawolon kon pàk, enupanài yeppe molopai ese'mapai kùsettak

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.