2 Corinthians 6:3 - Patamuna New Testament Revised

³ Ànù'là uya iwalai pen yepolo ina wotokoyi yau iche pùla ina man, màlàpàk ànù'là wakàtùiche ina wechi pen sàlà.

2 Corinthians 6:3 ပူးပေါင်းရင်းမြစ်များ

Matthew 17:27

Tùse pùsamlo kappon yamùk we'naikatoppe ikupù iche pùla we'nà'nokon man. Màlàpàk tuna kak itàkà molopai konoik menu'maik tuna kak. Wapiya anmappù mùpàlàkaik, molopai intau pùlayatta pun yepolo auya màlà, Katù yùwùk ponaloppe pùlayatta ye'matok untùlù molopai àntùlù kaichalon. Malàik molopai tok me'maik,” teppù ya.

Matthew 18:6

“Tùse Ànù'là uya pùsamlo echikili ton ailon tawonnan upàk tonpa welattàtoppe uwinàpai ikupù yau, wakù peiwa nen iwechi màlà eke tàk yaulonsak i'mù pàk molopai icheulanka palau kak yau.

Yeunossak kon Wotokoyi 19:27

Sàlà kùwotokoyi kon uya lànen àli tesek yepolo pe man. Màlà pe neken pùla katù Artemis yùwùk wechi kupù nàlà màlà yà'là woton pe pùla. Molopai eke pe nàlà iwettok umatta màlà. Mùkkàlà tamù'nawolon kon Asia pon kon molopai tamù'nawàlà non pon kon wepeimatok ipàk!” teppù.

Romans 14:13

Màlàyau uchi, suwa man molopai suwa pùla man tetok tonpa wannà yamùk pàk yeleutanùppai'nokon man. Tùse, eusenumenkatok kon ikonekatàk kon. Yà'làlà kùkkuttàu ewettatai'matok kon ipona pe wapùla ewekkawai'matok kon yak pe.

1 Corinthians 9:12

Molopai ewinàpai'nokon tùwepùikattàtok kon yeponnan pe tùulon kon wechi, wechi ikasa yau, màlà yentai palà ken na' yeponnan yeppe pùla ina wechi màlà? Tùse sàlà kussak ina uya pùla man. Tùse làkku ina uya tamù'nawolon yà'làlà pàlikasak man Christ yekale wakkàtù ina uya tukaik.

1 Corinthians 9:22

Attu'mùla tùwessan kùlottau wechi yau atu'mùla tùwenasen Iulà, attu'mùnon nettoppe uya Christ piyak. Màlàpàk tamù'nawolon pe tùwenasen Iulà tamù'nawolon kon kappon yamùk pàk tùulon kon nà wepùikattàtoppe.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 8:20

Elanneppe kulu ina man yà'là yekkwa là usàulàmantok nepù tùuya'nokon tukaik sàlà alikyeppe itùsak lùppù lepantok kuttok ina uya pàk.