2 Corinthians 6:10 - Patamuna New Testament Revised

¹⁰ Tùusewankono'mase tùse tàwàlà tùutauchinpaik, itemamin pùla tùse tukkan kon ma ina uya temamin ke, yà'làlà pùla tùse tamù'nawolon yesappe.

2 Corinthians 6:10 ပူးပေါင်းရင်းမြစ်များ

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Matthew 5:4

“Tùutauchinpasan mùkyamlo tùusewankono'masan. Katù uya tok yewan ipittà màlà!

Luke 6:21

“Tùutauchinpasan amyamlo napàkkassai'nannùk sàlà pe, auta'lettà kon màlà tùwenukasse. Tùutauchinpasan amyamlo nùsewankono'mayainan'nùk sàlà pe, masapùla àwàkklà kon màlà.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

Yeunossak kon Wotokoyi 16:25

Anomlak yawàlà'ne Paul molopai Silas tawonnan wàpùlemappù molopai tok uselenpappù Katù yelemu yamùk pàk, molopai tùulon kon patikichi tawon kon wechippù tok yeta pàk.

Yeunossak kon Wotokoyi 3:6

Peter uya, “Pùlayatta pùla kulu wessaik, tùse elepa uya sàlà itesak pe wettok ke. Jesus Christ Nazareth pon yesek yau, à'mùssakkakà molopai asakà, te uya sàlà,” teppù ipàk.

Yeunossak kon Wotokoyi 5:41

Yeunossak kon uya Jew yamùk Yepulu ton nàmàppù eke pe tùutauchinpatok ke. Masapùla wakù kuttok tok uya yattai wechippù wekuli'mantok yau, tok wettalumattàppù, Jesus yesek ponaloppe.

Romans 11:12

Jew uya àli kuttok uya eke kulu wakù pe we'nàtok nessak wolù yawon kon pona man. Molopai tok uya àli kuttok uya wakù pe we'nàtok nessak Jew yamùk pen pona man. Eke pe iwa wakù pe we'nàtok wechi màlà tamù'nawàlà Jew yamùk uyàssak yau nàlà!

Romans 12:15

Matauchinpatàik tùutauchinpasan pokonpe, mesewankono'matàik tùusewankono'masan pokonpe.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

Romans 9:2

Eke pe kulu usewankono'matok man molopai uyewan nùpokoitayan tàwàlàlà ichipittà yeselùkek pùla, utonpa yamùk pàkànsau.

1 Corinthians 1:5

Masapùla mùkkàlà yau tamù'nawolon yesappe ewenasak kon man, tamù'nawolon yau, tamù'nawàlà euselupatok kon yau molopai tamù'nawàlà ittutok auya'nokon yau.

2 Corinthians 2:4

Emenukappù kon uya eke pe kulu tùusewankono'mase molopai eme'neppe itewan, molopai eke pe itenu palu echii'ma, eyewankono'manài'nokon pe pùla, tùse eke pe tamù'nawàlà à'nùnma kon uya ittu kon pa.

2 Corinthians 4:15

Tamù'nawàlà sàlà yamùk wekkupùppù màlà àpàkànsau'nokon. Molopai wakù pe we'nàtok Katù winàpaino uya tukke molopai tukkeiwa kappon yamùk yepolo. Màlà uya tenki tetok Katù pàk nettoppe eke peiwa yapulà pe.

2 Corinthians 4:7

Tùse sàlà mamin Katù winàpaino yesappe ina man àinà yau, tamù'nawolon meluntà yentaino meluntà wechi Katù ponaloppe yenpoikanài pe, molopai ina ponaloppe pùla iwechi.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

Ephesians 3:16

Katù yekamapponài Iulà, tukkan wakù ton epùn pon ke elepatokkonpe ya meluntà Wakù Akkwalù yai, meluntà pe ewechi kon pa ayakkwalù kon yau.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Philippians 4:4

Tàwàlàlàichi tùutauchinpaik ettàk kon Itepulu Jesus ponaloppe ewemapù kon yawàlà. Wate uya tu'ma: tùutauchinpaik ettàk kon!

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

1 Thessalonians 1:6

Ina yeselu molopai Itepulu Jesus yeselu kasa ewelaikasak kon màlà. Ina wemapù kasa ewemapù kon ke, eke pe ewettalumattài'ma'nokon, Wakù Itekale manùntantàu tùutauchinpaik, Wakù Akkwalù winàpai iyàssak lùppù.

1 Thessalonians 5:16

Tùutauchinpaik mettàik tàwàlàlà.

1 Timothy 4:8

Ànù'là yenupa aitunpe utàntok pe wapùla wenkalunàtok màlà wakù molopai tepeppù kenan, tùse akkwalù yenupatok Katù wettok iche kasa màlà wakùiwa tamù'nawolon yau, masapùla wema'nàtok sàlà pe molopai ewanawolok yau tàwàlàlà wema'nàtok ke lepan tùuya tesak ya pàk.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

Hebrews 10:34

Patikichi tawon kon pàk eusentupappù kon molopai itesak pe ewettok kon mokkasak ewinàpai'nokon yau, ipàlikappù auya'nokon tùutauchinpaik. Masapùla tàwàlàlà tùuko'mansen wakù ton lùiwa yesappe ewechi kon ittu auya'nokon pàk.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.