2 Corinthians 6:1 - Patamuna New Testament Revised

¹ Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

2 Corinthians 6:1 ပူးပေါင်းရင်းမြစ်များ

Matthew 23:37

“Jerusalem, Jerusalem! Katù Maimu yenpoikannan mùwàtantàu molopai Katù neunokossan imaimu yenpoikannan mùwàtantàu tàk ke! Yà'là kaichalà itekkwa ayawon kon enpilipai wechippù, kalicho uya tùmunkà yamùk pilipù tapàli yokoik kasa, tùse ikupù uya iche pùla ewechippù!

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 14:3

Paul molopai Barnabas wechippù màlà molo tachin pe. Tok uselupappù tùusenalippaik pùla Itepulu pàk. Mùkkàlà uya ailon pe tok yekale wechi, Katù wettok wakù pe pàk yekama pe apàikkek ke tok lepappù, yensak pùla nai'nùk enumenkanài yamùk, kuttoppe tok uya.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

Galatians 2:21

Wakù pe Katù wettok nonka uya pen sàlà. Masapùla kappon yanùntok ikasa Katù pokonpe Law yai pe iwechi yau, yà'là woton pe pùla Christ welittoppan.

Galatians 3:4

Iwoton pe pùla na' ewettalumattàppù kon kulu màlà - Iwoton pe pùla kulu iwechi yau?

1 Thessalonians 3:5

Màlàpàk, màlà yentak ipàlika uya yentai iwechipàk Timothy teunottai, ailon tetok auya'nokon wechi atta là yense. Yattai pùla Makui uya eyittusak kon tei'ma, molopai tamù'nawàlà ina wotokoyi wechi yà'là woton pe pùla là pe tei'ma

Titus 2:11

Masapùla Katù uya wakù pe tùwettok yenpoikasak man tamù'nawolon kon kappon yamùk wepùikattàtok ponaloppe.

Hebrews 12:15

Elannek peichi ettàk kon wakù pe Katù wettok winàpai ànù'là wennappo tukaik. Elannek pe ettàk kon wanittàpan wotton molopai tukkan kon yoi'ma woton maippanài watta tukaik.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

Hebrews 4:1

Màlàpàk uchi wàlàkka'nà patassek yak wewonnàtoppe Katù nekamappù lùppù, walùppù man. Usenalipanpai'nokon uchi, ànù'là àkklottawon kon nàmà kùye'mappù tau tukaik.

1 Peter 4:10

Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.