2 Corinthians 5:17 - Patamuna New Testament Revised

¹⁷ Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

2 Corinthians 5:17 ပူးပေါင်းရင်းမြစ်များ

Matthew 12:33

“Wakù meluntà yei yesappe ewechi kon màlà wakù itepelu yepolo kon pa. Italumayippù yei yesappe ewechi kon yau àli itepelu yepolo auya'nokon màlà, masapùla yei màlà tùttusen itepelu winà.

Matthew 24:35

Epùn molopai non utà màlà, tùse umaimu utà pen màlà.”

Luke 5:38

Kane! emennak tinchisen yemaika nen màlà emennak wai yak.

John 14:20

Màlà wei uyàssak yattai ittu auya'nokon màlà Iulà wechi Ukàipùnù yau molopai amyamlo wechi uyau molopai Iulà wechi ayau'nokon.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

John 15:5

“Iulà mùkkàlà chi'nak, amyamlo mùkyamlo ipanta yamùk. Ànù'là uyau nemasai'nùk molopai yau nàlà wemasai'nùk mùkkàlà wepeta màlà tukke, masapùla Iulà pùla echii'ma yà'làlà kupù auya'nokon pen.

John 17:23

Iulà wechi tok yau, molopai àmàlà wechi uyau. Màlàpàk tok nepù nechiik tewin tok wettok yak, wolù yawon kon uya uyeunossak auya ittutoppe, molopai à'nùn pe tok kupùppù auya à'nùn pe ukupùppù auya kasa làma.

John 3:3

“Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 3:5

Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

Romans 16:10

“Wakù pe na' messan?”te uya Apelles pàk, ailon pe iwettok Jesus pàk ittusak lùppù. “Wakù pe na' messatàu?” ukayaik Aristobulus tonpa yamùk, itùwuùk tau nai'nannùk pàk.

Romans 16:11

“Wakù pe na' messan?”te uya Herodion pàk, utonpa Jew, molopai Narcissus yùwùk tawon kon pàk.

Romans 16:3

“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

Romans 16:9

“Wakù pe na' messan?” te uya Urbanus pàk we'wotokoman Jesus wotokoyi yau tonpa, molopai Stachys uwechiyakon kulu pàk.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 13:11

Mule pe wechi yau, uselupappù mule kasa, usenumenkappù mule kasa, uyeselu wechippù mule yeselu kasa, tùse kàyippe wenasak yau mule yeselu yamùk nonkappù uya uyappowinàkàik.

2 Corinthians 12:2

Tùttuyaik kappon Christ pàk ailon tawon. 14 pe kilichimochi utàppù man mùkkàlà yalàppù kawon kulu kak pona tùpo. Ittu uya pùla man sàlà wekkupùppù pe kulu iwechi wapùla we'nepà'natok walai yeneppù ya pe iwechi, Katù neken nùttuyan.

2 Corinthians 5:16

Màlàpàk sàlà motapai kappon nùttutok yawà ànù'là ittunài pen ina. Pena lànen Christ ittupù ina uya kappon uya ituntok yawà. Màlà ku'nài nan pen nen uchi ina.

2 Corinthians 5:19

Màlàichi Katù uya tamù'nawolon kon kappon yamùk ma tùwechiyakonnon pe Christ yai, tok makuyi pàk tùusenumenkasen pen tok winàkàik. Molopai ina lepasak ya tok ma tùuya tùwechiyakonnon pe yekale ke.

2 Corinthians 5:21

Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Ephesians 2:15

Law, Moses winàpaino yeleutanùpùppù ya, inenupa molopai sà ikukkà tetok ya pokonpe, tùpatalon kon kappon yamùk konekappù ya tùmàlà tùyau tewin tok wettoppe, echitonpa pe.

Philippians 4:21

“Wakù pe na' messatàu? ” tetok uya tamù'nawolon kon Katù ponalok kon pàk tùlù uya sàlà, Christ Jesus yai. Utonpa yamùk, talonkonnà upyawon kon kulu “Wakù pe na' messatàu?” nùkayan àpàkù'nokon.