2 Corinthians 5:1 - Patamuna New Testament Revised

¹ Masapùla ittu'nokon man sàlà tapùi itau wema'nà'nokon nai'nùk, kùyesak kon non po nai'nùk yalakkasak yau, Katù winàpaino tapùi tàwàlàlà tùwemassen epùn pon yesappe we'nà'nokon màlà, kappon yemyatù nùkonekappù pen.

2 Corinthians 5:1 ပူးပေါင်းရင်းမြစ်များ

Mark 14:58

“Ina netatai, ‘Sàlà Katù yùwùk matanùpù uya màlà kappon yamùk nùkonekappù, molopai àsolùwau wei tùpo tùulon yamù uya màlà kappon yamùk nùkonekappù pe pùla!”’ tukaik.

Yeunossak kon Wotokoyi 7:48

“Tùse Eke kulu Katù mùkkàlà tapùi yamùk kappon yamùk namùppù tau tùwemassen pen, Katù Maimu yenpoikanài uya watesak kasa.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

2 Corinthians 4:7

Tùse sàlà mamin Katù winàpaino yesappe ina man àinà yau, tamù'nawolon meluntà yentaino meluntà wechi Katù ponaloppe yenpoikanài pe, molopai ina ponaloppe pùla iwechi.

2 Corinthians 5:4

Sàlà non pon tapùi tau lùppù wema'nà'nokon yau ta'nùnsan kùmyamlo tùusewankono'màik, kùyesak kon sàlà non pon enenu'mapai we'nà pàk pùla, tùse epùn pon ke kùponta kon iche we'nà'nokon pàk, tùukàtasen pe nai'nùk yeuno'ma toppe tàwàlàlà wema'nàtok winà.

Colossians 2:11

Christ ponaloppe ewechi kon yekama auya'nokon màlà ailon te auya'nokon ipàk winà. Eyesak kon yattà Ichu yamùk usattàtok yawàlà pùla. Tùse Christ uya attàntok winàpaino yentok ipàkàlà winà màlà àpùikattàsak kon àli ànkuppai àku'nài meluntàlù winàpai.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

Hebrews 11:10

Masapùla pata yeneiche Abraham iwechippù màlà Katù nùttuppù molopai inkonekappù màmuku pàk, pata sa'man pata yamùtok ipo.

Hebrews 9:11

Tùse Christ uyàpùppù man eke kulu paatele pe, wakù ton iyàssak nai'nannùk yepulu pe. Tappulin iwe'wotokomatok itau màlà penalok yentaino, molopai wakù kulu, kappon yamùk nùkonekappù pen. Ikonekasak pùkkù pe pùla iwechi sàlà wolù yau.

Hebrews 9:24

Masapùla Christ utàppù màlà Katù yùwùk kappon yamùk nùkonekappù pen yak molopai epùn pon kasa neken nà nai'nùk pen. Iitàppù màlà epùn pona molopai sàlà pe nen uchi Katù piyau iwechi màlà kùpùikattàtok kon pe tùuya.

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

2 Peter 3:11

Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.

1 John 3:19

Sàlà kasaichi màlà ailon ponaloppe we'nà'nokon ittu. Sàlà kasa màlà kùyewan kon wàlàkkassak wechi Katù yemloto po ittu.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.