2 Corinthians 4:7 - Patamuna New Testament Revised

⁷ Tùse sàlà mamin Katù winàpaino yesappe ina man àinà yau, tamù'nawolon meluntà yentaino meluntà wechi Katù ponaloppe yenpoikanài pe, molopai ina ponaloppe pùla iwechi.

2 Corinthians 4:7 ပူးပေါင်းရင်းမြစ်များ

Matthew 13:44

“Sàlà kasaichi Itepulu pe we'nàtok epùn po wechi màlà. Wakù mamin yonansak umà yau kasa. Kàyik uya là yepolo, màlàyau iwaputtà tu'ma ya. Tùutauchinpase kulu tùutàsen mùkkàlà tamù'nawolon itesappe tùwettok chilanmase, molopai nen uchi tùwennapposen molopai umà ye'manài,” teppù Jesus uya.

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

1 Corinthians 1:28

Wolù yau tenpàssan eke ton kappon yamùk munkà pe pùla yanùmùppù ya màlà molopai tenpàssan, molopai yà'là pe pùla wolù yawon kon nekama molo tùwessen mattanùttoppe tùuya.

2 Corinthians 10:10

Tùulon kon uya, “Paul kaletayi màlà àsà molopai meluntà, tùse kùpyau'nokon iwechi kappon pe yau, atu'mùn mùkkàlà molopai imaimu màlà yà'là pen!” te.

2 Corinthians 13:4

Masapùla iwànàppù màlà pulusuk po atu'mùla iwettok yau, tùse tùwemapù pàk iwechi màlà Katù meluntàlù winà. Màlà kasa làma atu'mùla ina wechi Christ yau tùse, Katù meluntàlù winà ina wemapù màlà ipokonpe àpùikattà kon ina uya yau.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 5:1

Masapùla ittu'nokon man sàlà tapùi itau wema'nà'nokon nai'nùk, kùyesak kon non po nai'nùk yalakkasak yau, Katù winàpaino tapùi tàwàlàlà tùwemassen epùn pon yesappe we'nà'nokon màlà, kappon yemyatù nùkonekappù pen.

2 Corinthians 6:10

Tùusewankono'mase tùse tàwàlà tùutauchinpaik, itemamin pùla tùse tukkan kon ma ina uya temamin ke, yà'làlà pùla tùse tamù'nawolon yesappe.

Ephesians 2:5

Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 2:12

Masapùla eusenpatauka kon yau, àwu'nattàppù kon màlà Christ pokonpe. Molopai usenpataukantok yau àwuluukappù kon nàlà màlà Christ pokonpe ailon tetok auya'nokon yai Katù yapàikketù yau. Iwuluukanàippù weli'nàtok yapai wema'nàtok yak yapàikettù yau.

Colossians 2:3

Tamù'nawàlà wakù ton Katù ittutok molopai ipukketù tùttusen pe pùla inkupù wechi màlà Mùkkàlà yau.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.

1 Thessalonians 4:4

Wakù pe noppùtantok yeselu tùttuik ekkà, wakù molopai tùnamai'nai'nùk yawàlà,

2 Timothy 2:20

Eke tapùi tau molo pùsau yamùk tùwessen tùpatalo'nan: tùulon kon ikonekasak chilùpa molopai kolù yapai; tùulon kon ikonekasak yei molopai àinà yapai; tùulon kon wechi wakù ton pe yà'là yattai neken nà tapulàsen molopai tùulon kon echipalà tapulàsen pe.