2 Corinthians 4:6 - Patamuna New Testament Revised

⁶ Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

2 Corinthians 4:6 ပူးပေါင်းရင်းမြစ်များ

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 11:40

Jesus uya Martha pàk, “Àpàk uchi yekama uya pùn, ailon te auya yau Katù yapulàtok yene auya màlà te uya pùn na?” teppù.

John 12:41

Sàlà yamùk teppù Isaiah uya màlà masapùla Jesus yapulàtok yensak tùuya pàk, molopai ipàk ichelupappù.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

1 Corinthians 12:8

Tewinannà piyak pukkeppe we'nà yekale tùlù màlà Akkwalù yai, tùulon yemyak ittutok yekale mùkkàlà lùppù Akkwalù winà,

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Ephesians 1:17

Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Philippians 2:6

Katù là mùkkàlà tàwàlà, tùse Katù pokonpe ekkaichalà tùwenaiche iwechippù pen.

Colossians 1:15

Christ wechi màlà ànùk yekkwa pe Katù tùusensen pen wechi yenpoikanài pe. Iwentusak lùppù wapiyalok pe, tamù'nawolon kon ikonekasak kon yentaino mùkkàlà.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 6:4

Masapùla atta ken mùkyamlo àli kuttok yak iwennapposak kon wenappo tu'ma Katù winàkàik? Akkwa yene tùpo, Epùn poino lepantok yanùnnàinan nùssan pe echii'ma molopai Wakù Akkwalù pùkkù pe, yau tùwechi kon tùpo.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

2 Peter 1:19

Màlàpàk kulu ina nùttuyan Katù Maimu yenpoikannannùssan yekale wechi ailon pe. Màlàpàk uchi wakù ikuttàk kon mei pùla tok nekamappù yene auya'nokon yau, akkwa yene auya'nokon ewalupàttau kasa, yene pàk mettàik pata wemapà yene auya'nokon kaiwonok uyàpù ewalupàttau pata wemapù ponalà kasa.