2 Corinthians 4:2 - Patamuna New Testament Revised

² Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Corinthians 4:2 ပူးပေါင်းရင်းမြစ်များ

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 6:21

Yà'là ken uchi wakù mepotantàu màlà yamùk sàlà pe ipàk mekkuli'mayatài'nùk kupù auya'nokon winàpai? Weli'nàtok yak anàinan.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 11:6

Iichenupasak pe là wechi uselupatok pe tukkan kon yemlotopo, tùse ittutok uya yesappe wessaik. Tàmù'nawolon yau wakù pe kulu yekamasak ina uya man àpàkù'nokon.

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 5:11

Ina nùttuyan yà'là pe usenalipantok Katù pàk wechi, màlàpàk ina uya itekale yekama sàlà kappon yamùk pàk ailon te toppe tok uya. Katù mùkkàlà ina ittunài tamù'nawàlà, molopai enpen wessaik eyewan kon yau uyittu auya'nokon pàk nàlà.

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.

2 Corinthians 7:14

Ayapulàppù kon uya ipàk, molopai ukuli'masak auya'nokon pùla man. Tamù'nawàlà ina nekamatainùk àpàkù'nokon kasa iwechi màlà ailon pe. Màlà kasaichi ayapulàtok kon ina uya Titus pàk uya ailon pe iwechi yenpoikasak nàlà màlà.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

Ephesians 5:12

Sàlà yamùk tok nùkussai'nùk amak yai tonantau kuli'mak man yekama yentai kulu.