2 Corinthians 3:14 - Patamuna New Testament Revised

¹⁴ Tok usenumenkatok utakkosak kulu wechippù màlà. Molopai sàlà tepose tok usenumenkatok waputtàsak màlà lùppù kaleta yamùk penalok ikupù tùuya tetok Katù uya yawon uya man. Masapùla Christ yau neken màlà yamappù màlà.

2 Corinthians 3:14 ပူးပေါင်းရင်းမြစ်များ

Matthew 13:11

“Tùttusen pen Itepulu pe we'nàtok epùn po ittutok tùsak man apyakù'nokon. Tùse mùkyamlo piyak pùla,” tukaik Jesus uya tok maimu yeikuppù.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 6:23

Tùse eyenu kon wechi àli pe yau, tamù'nawàlà eyesak kon wechi màlà ewalupàttau. Màlàpàk akkwa ayau'nokon nai'nùk wenasak ewalupà pe yau, ewalupà pe kulu iwechi màlà!” teppù tu'ma Jesus uya.

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

John 12:46

Uyàssak sàlà, wolù weyu pe, ànù'là ailon tawon upàk wechi ewalupàttau tukaik.

John 8:12

Màlà tùpo Jesus uya kappon yamùk yelupatu'mappù, “Iulà mùkkàlà sàlà wolù weyu. Ànù'là uya'là tùuyàssen usalà ewalupàttau pen màlà, tùse wema'nàtok weyu yesappe iwechi,” tukaik.

Yeunossak kon Wotokoyi 13:15

Law molopai Katù Maimu yenpoikannan nùmenukappù yene tùpo, Jew yamùk wepilittok itak yesak ton uya mayin yeunokoppù Barnabas molopai Paul piyak. “Ina tonpa yamùk, kappon yamùk yelupa auya'nokon iche ina man, Itekale tok meluntàlùttàtok auya'nokon wechi molo yau,” tukaik.

Yeunossak kon Wotokoyi 15:21

Masapùla law yeneppù molopai ittuppù màlà Jew yamùk wepilittok itak yamùk tau tachin pe Jew yamùk wàlàkkattok weyu yattai'ne, molopai yekamappù màlà tamù'nawàlà pata yamùk yau,” tukaik James uselupappù.

Yeunossak kon Wotokoyi 16:14

Tok tonpa ina uselupa yetanàippù wechippù Lydia, Thyatira pon, pùsalà wechippù màlà tùtalilen walai pon chilanmanài pe tùwessen. Mùkkàlà nossan wechippù màlà Katù yapulànài pe molopai Itepulu uya itewan yappàtùppù yà'là te là Paul uya yetatoppe ya.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

2 Corinthians 3:15

Sàlà pe lànen Law yene tok uya yau, màlà waputtànài tok usenumenkatok waputtàyan lùppù.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

Ephesians 4:18

molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.