2 Corinthians 2:3 - Patamuna New Testament Revised

³ Màlàpàk uchi kaleta menukappù uya, apyakù'nokon uyàssak yau esewankono'mapai pùla wechi pàk mùkyamlo kappon yamùk uyauchinpanài pan kon winà. Masapùla ailon ukayaik, utauchinpa yau, tamù'nawàlà nàlà nen uchi autauchinpa kon.

2 Corinthians 2:3 ပူးပေါင်းရင်းမြစ်များ

1 Corinthians 4:21

Yà'là kupù uya làkku ken iche messatàu? Eyippottok kon uya nepù uya ka' màlà uyàpù yau lù wapùla à'nùnmatok kon uya molopai wakù pe yakkwalù?

2 Corinthians 1:15

Sàlà ittui'ma kulu akakklanpa kon pàk wekkupùppù wapiya, autauchinpa kon pa asak itekkwa.

2 Corinthians 1:23

Katù tekamappoyaik uyekamanài pe, uyewan ittunài mùkkàlà. Usentuppa àpàkù'nokon pàk “Corinth pona utà pen” teppù uya.

2 Corinthians 12:11

Pakko kasa welaikayaik, tùse ukussak auya'nokon màlà wa wettoppe. Amyamlo uya làkku nen wechi màlà wakù pe upàk tùuselupassan pe. Masapùla mùkyamlo “wakù ton kulu yeunossak kon,” ma'le kulu wechi pen nen nai'nùk ànùk pe pùla lànen wechi tùse.

2 Corinthians 12:21

Usenalipayaik uyàttumasak yau Ukatùyi uya ukuli'ma yeselùkek iwechi pàk eyemloto kon po. Ukalawù màlà tukkan kon, mùkkyamlo iwemakuimasak kon nùssan pena molopai iwelattàsak kon àli ton winàpai pen wenai, àli pe tùwemattok kon yau tùwessan, tesak kon ke àli pe tùwessan molopai esak wettok ànkuppai ku'nàinan.

2 Corinthians 13:10

Màlà pàkànsau sàlà yamùk menuka uya sàlà apyau'nokon pùla echiima, miyalà uyàssak yau àsà pe usàulàma tukaik. Itepulu yapàikketù intùlùppù upyak anapulàpai wessaik meluntà pe ama tok kon pe uya, atalumattàtok kon pe pùla.

2 Corinthians 2:9

Masapùla kaleta menukappù uya màlà apyakù'nokon ittuntok pàlikappù auya'nokon ànùttupai wechi pàk, molopai enupantok uya maimu yawàlà ewechi kon ànùttupai wechi pàk.

2 Corinthians 7:12

Emenukappù kon uya là man, tùse ànù'là iwalai pen ku'nàippù pàkànsau là pùla wapùla iwalai pen pàkànsau nettalumattàyai'nùk pàk pùla. Tùse làkku Katù yemlotopo eyiwalà'nokon yene kon pa ina pùnùnmatok auya'nokon.

2 Corinthians 7:16

Utauchinpayaik kulu àpàkù'nokon enpen wechi pàk tamù'nawolon yau.

2 Corinthians 7:6

Tùse Katù tùusewankono'masan yewan ipittànài, ina yewan ipittàtai Titus uyàttok winà.

2 Corinthians 7:8

Masapùla ukaletayi uya là eyewankono'masak kon tùse, usewankono'ma pùla man imenukasak uya pàk. Wapiya là usewankono'masak tùse ukaletayi uya eyewankono'mappù kon, tùse tachinpe kulu pùla lùkkwà neken nà.

2 Corinthians 8:22

Màlàpàk tùwe'wotokoma kon tonpa yeunossan ina tok pokonpe, ina uya ittusak man tukke itekkwa alikyeppe kulu iwechi pùikattàntok pàk. Enpen nen uchi àpàkù'nokon tùwechi pàk, àpùikattàpai'nokon kulu iwechi màlà.

Galatians 5:10

Tùttuyaik Itepulu yau tùulon usenumenkantok yanùmù auya'nokon pùla iwechi, molopai mùkkàlà utaimelunpantok yak àtùyatài'nùk talumattà màlà, ànùk pe là iwechi yau.

2 Thessalonians 3:4

Molopai ina uya kulu Itepulu yau ailon pe ittusak man, eyenupatok kon ina uya maimu yawàlà ewechi kon, molopai imaimu yawàlà luppù ewechi kon tàwàlà.

Philemon 1:21

Sàlà menukai'ma unekamappoppù kupù auya pe kulu tùttuyaik molopai yekamappoppù uya yentai ikupù auya pe.