2 Corinthians 11:9 - Patamuna New Testament Revised

⁹ Apyau'nokon wechi yattai molopai yà'làlà iche wechi yau ayaimelunpa kon uya pùn. Masapùla ailon tawonnan Macedonia pon kon uya tamù'nawolon iche wettok nepùppù màlà upyak. Pena iwechippù kasa ewanawà iwechi màlà, ayaimelunpa kon uya pen.

2 Corinthians 11:9 ပူးပေါင်းရင်းမြစ်များ

Yeunossak kon Wotokoyi 18:3

Molopai molo iwechippù, iwe'wotokomappù tok pokonpe, masapùla tùwemattok yepoloppù ya màlà tapulin koneka tùuya winà, tok kasa nàlà.

Yeunossak kon Wotokoyi 18:5

Silas molopai Timothy tawonnan welepansak Macedonia poi yau, Paul weppàtùppù Wakù Itekale yekama pàk Jew yamùk pàk Jesus wechi Christ pe pàk.

Yeunossak kon Wotokoyi 20:33

Ànù'là chilùpayi, wapùla ikolùyi, wapùla ipon nà iche useka'nonkasak pùla man.

Romans 15:26

Masapùla ailon tawonnan Jesus pàk Macedonia pon kon molopai Achaia pokon kon utauchinpasak man tùtùsen tùlù pàk yà'là pùnon sa'ne ponaloppe Katù ponalok kon Jerusalem pon kappon yamùk kùlottau nainannùk pùikattàtok.

1 Corinthians 16:17

Utauchinpatai kulu Stephanas, Fortunatus molopai Achaicus tawonnan uyàpù pàk, apatappù kon yau tok uya upùikattàsak pàk.

2 Corinthians 6:4

Tùse làkku tamù'nawolon ina nùkupù yau Katù yapyoto ton pe ina wechi yenpoikannan ina, talumattàntok yau, sa'man ton yau, molopai utaimelunpantok pàlikatok yau.

2 Corinthians 9:12

Sàlà yamùk ànkupù kon uya neken là Katù ponalok kon pùikattàsak pen màlà. Tùse tukkan kon uya nàlà màlà tenki te Katù pàk.

Philippians 2:25

Kùtonpa kon, Epaphroditus yeunoko uya kulu apyakù'nokon pàk usenumenkasak man. Iwe'wotokomasak lùppù ukaichalà molopai iwepanta'masak lùppù upyau, amaimu yekamanài nàlà eneunokoppù lùppù upùikattàtoppe ya.

1 Thessalonians 2:6

Apulàntok kulu là iche ina wechi pùn ànù'là winàpai, ewinàpai’nokon nà wapùla tùulon kon nà winàpai.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

Hebrews 11:37

Tok wànàppù màlà tàk ke, tok sala'mopàtùppù màlà asa'là, kasupala walai ke tok wànàppù. Tok usalàppù màlà kamo pippà yak tùwepontàse, kalinilu pippà wapùla kaapala pippà yau. Yà'là pùla tok wechippù, italumattàsak pe molopai imottùnpasak pe.